Tags-Barg

sūkhe peḌoñ kī qatāreñ roktīñ kab tak unheñ
uḌ ga.e karte bhī kyā barg-e-ḳhizānī log the

zaḳhm-e-tāza barg-e-gul meñ muntaqil hote ga.e
panja-e-saffāk meñ ḳhanjar ḳhajil hote ga.e

bulbul hī ko bahār ke jaane kā ġham nahīñ
har barg haath maltā hai gulzār ke liye

havā ke kāñdhoñ ne pahuñchāyā āsmānoñ tak
maiñ barg-e-sabz thā sūkhā to āftāb huā

sach hai ki titliyoñ se use hai munāsibat
kam kam hī barg-e-dil pe magar baiThtā to hai

jis haath meñ hai shamshīr-o-tabar kyā us se umīd-e-barg-o-samar
jo shāḳh-e-nasheman toḌegā memār-e-gulistāñ kyā hogā

ye jañg to laḌnā hī hogī har barg se chāhe ḳhuuñ Tapke
kāñToñ se jo gul Dar jā.egā dārā-e-gulsitāñ kyā hogā

barg-e-māsūm se karte haiñ ḳhizāñ kī bāteñ
mausam-e-sabz ke lamhāt bhī shātir kyā haiñ

kis ke bas meñ thā havā kī vahshatoñ ko roknā
barg-e-gul ko ḳhaak sho.ale ko dhuāñ honā hī thā

zabān-e-'zabt' ne urdu zabāñ meñ
gul-e-sad-barg mahkāyā huā hai

hirmāñ to dekh phuul bikhere thī kal sabā
ik barg-e-gul girā na jahāñ thā mirā qafas

mire lahū se jis ke barg-o-bār meñ bahār hai
vahī shajar mire liye salīb kaise ho gayā

āsmāñ raat agar royā nahīñ hai to batā
barg-e-gul par hai bhalā qatra-e-shabnam kaisā

dard hai dil ke liye aur dil insāñ ke liye
tāzgī barg-o-samar kī chamanistāñ ke liye

ab bhī ghanshyām hai is dasht kā buuTā buuTā
barg ne aaj bhī insāñ ke liye giitā hai

maiñ shajar huuñ mausam-e-dard kā yahī rut hai mere liye sadā
kabhī shāḳh shāḳh harī milī kabhī barg barg judā milā

sūrat-e-barg-e-hinā kis ne banāyā tum ko
pesh kar paa.e nigārīñ meñ lagānā dil kā

barg-e-gul jaise havā ke ruḳh par
kis latāfat se lab-e-yār khule

barg-e-gul aa maiñ tere bose luuñ
tujh meñ hai Dhañg yaar ke lab kā