Tags-Barg

tujh se kyā leñ intiqām ai ḳhāk-e-be-barg-o-navā
vo kahāñ haiñ mehr-o-mah tujh meñ jo pinhāñ ho ga.e

mirī nigāh meñ haa.el the barg-o-bār-e-ḳhizāñ
ghirā huā maiñ ajab sāya-e-shajar se thā

rañg ne gul se dam-e-arz-e-pareshānī-e-bazm
barg-e-gul reza-e-mīnā kī nishānī māñge

rañg ne gul se dam-e-arz-e-pareshānī-e-bazm
barg-e-gul reza-e-mīnā kī nishānī māñge

phirte ho kyā daraḳhtoñ ke saa.e meñ duur duur
kar lo muvāfaqat kisū be-barg-o-sāz se

shajar se bichhḌā huā barg-e-ḳhushk huuñ 'faisal'
havā ne apne gharāne meñ rakh liyā hai mujhe

apne sivā bhī maiñ koī āvāz sun sakūñ
vo barg-e-ḳhushk ho ki parinda koī to ho

fasl-e-bahār meñ tar-o-tāza nahīñ havā
shāyad shajar ko ḳhvāhish-e-barg-o-samar na thī

chāhatoñ kā jo shajar hai dosto
aaj be-barg-o-samar hai dosto

kaT jaa.e shāḳh-e-zīst se patta na jaane kab
bāġh-e-jahāñ meñ ab to haiñ barg-e-ḳhizāñ se ham

muñh to na thā ye ġhair kā us ko khilā.e barg-e-pāñ
par na mirā jo bas chalā ḳhūn-e-jigar piyā kiyā

barg-e-āvāz ke mānind uḌeñge ye pahāḌ
ġharq ho jā.egā paanī meñ jazīra apnā

vo bād-e-garm thā bād-e-sabā ke hote hue
maiñ zaḳhm zaḳhm thā barg-e-hinā ke hote hue

sūrat-e-barg-e-ḳhizāñ jhaḌte haiñ har gaam gunāh
jab uThāte haiñ tirī raah meñ zavvār qadam

kyuuñ shajar sūkhe hue haiñ kyuuñ nahīñ barg o samar
mausamoñ ne is chaman meñ kyā kiyā ham se suno

jo ye pūchhe ki ab kitnī hai us ke rañg par zardī
to yaaro tum gul-e-sad-barg yā kāfūr le jaanā

bas ki ik vasvasa-e-barg-e-ḳhizāñ-dīda hai
ḳhuld-e-imkāñ meñ shajar ho ye ye zarūrī to nahīñ

bikhar chale haiñ bikhar chuke haiñ gul-e-ibārat ke barg-reze
kitāb-e-jāñ kī shahādatoñ kā varaq varaq le ga.iiñ havā.eñ