Tags-Waqt

koī hamdard bhare shahr meñ baaqī ho to ho
is kaḌe vaqt meñ gumrāh to sab kar rahe haiñ

vaqt-e-pīrī shabāb kī bāteñ
aisī haiñ jaise ḳhvāb kī bāteñ

farq hai to ham meñ hai vaqt ek jaisā hai
san chhiyānve hai ye yā ki san chhiyāsī hai

raat ke vaqt kitne sard mizāj
jism kī hiddatoñ ko DhūñDeñge

ghar ke chhuTne kā asar ālam-e-ġhurbat kā ḳhayāl
kaifiyat dil kī ajab vaqt-e-safar hotī hai

ḳhushī hogī davāmī ġham-zadoñ ko jab kabhī hogī
jise har-vaqt ho ārām use ārām kyā hogā

jab se nahīñ āġhosh meñ vo jān-e-tamannā
ik sil hai ki har vaqt kaleje pe dharī hai

le chashm-e-nam-rasīdd paanī chuvāne koī
vaqt-e-aḳhīr us ke bīmār tak na pahuñchā

har-vaqt kī ye ḳhvāb kī aadat nahīñ achchhī
dīdār ko ra.anā.ī de zulmāt ke bāhar

shauq chaḌhtī dhuup jaatā vaqt ghaTtī chhāñv hai
bā-vafā jo aaj haiñ kal be-vafā ho jā.eñge

vaqt-e-āḳhir hameñ dīdār dikhāyā na gayā
ham to duniyā se ga.e aap se aayā na gayā

ham ne har ahd meñ rakkhā hai bharam terā jab
tū hī ai vaqt batā kyā ye vafādārī hai

baat niyyat kī sirf hai varna
vaqt saare duā ke hote haiñ

kisī kā ma.ashūq chhūTtā hai sahar kā vaqt us ko lūTtā hai
koī ye siine ko kūTtā hai nahīñ hai āvāz ye gajar kī

shabāb ne ḳhud-numā banāyā ye nāz-e-ḳhushrūī ne jatāyā
hayā meñ jis vaqt farq aayā to un ke mukhḌe se zulf sarkī

phir rah-e-ishq vahī zād-e-safar māñge hai
vaqt phir qalb-e-tapāñ dīda-e-tar māñge hai

sab kī āñkhoñ se bachā kar jo kabhī luuTe the
vaqt har chor se vo la.al-o-gohar māñge hai

tum to ġharīb-ḳhāne meñ aa.e na ek roz
farmā.iye to shab ko kisī vaqt aa.uuñ maiñ

ab to kahte ho vafā ham se karoge lekin
vaqt aane pe kahīñ jaa.e na sarkār badal

himmat-o-azm badal jur.at-e-kirdār badal
ruḳh-e-daurāñ ko palaT vaqt kī raftār badal