Tags-Waqt

kirdār aadhe mar chuke aadhe palaT ga.e
is vaqt kyuuñ fasāne meñ laayā gayā huuñ maiñ

bāb-e-shahr-e-irfāñ ke nūr-e-chashm kā hai faiz
parcham-e-jahūl-e-vaqt jo jhukā jhukā sā hai

bārhā aap ke tasavvur meñ
vaqt guzrā huā guzārā hai

haañ vaqt se pahle hī uḌā degī ise sub.h
rakkhī na ga.ī chāñd se gar shab ye dabā kar

na milā koī vaqt-e-tanhā.ī
hāl-e-dil yaar ko sunā na sakā

gulsitāñ kā zarra zarra jaag uThe andalīb
lutf hai is vaqt tere nāla-e-shab-gīr kā

ik dūsre kī ghaat meñ baiThe haiñ sab magar
is vaqt ne kisī ko bachānā to hai nahīñ

us vaqt bhī ki ḳhātir-e-majmūa thī nasīb
kam-baḳht dil huā hai pareshāñ kabhī kabhī

qayāmat na uTThe ki uTThe jahāñ meñ magar bil-yaqīñ maiñ to uTThūñgā jhaT-paT
tah-e-qabr jis vaqt mujh ko milegī sar-e-qabr kuchh un ke qadmoñ kī aahaT

mohabbat meñ ye jhiḌkiyāñ bhī abas haiñ ye har vaqt kī dhamkiyāñ bhī abas haiñ
karam ho ki mujh par sitam ho tumhārā na uTThūñgā dar se na chhoḌūñgā chaukhaT

rahtī haiñ ba-vaqt-e-girya aksar
do uñgliyāñ apnī chashm-e-tar par

'shakeb'-e-ġham-zada ko dard se hai ab kahāñ fursat
agar kuchh vaqt mil jaa.e to pyāro tum hī aa jaao

merā paiġhām bhalā teġh kahāñ rokegī
hākim-e-vaqt ko batlāo qalam-kār huuñ maiñ

yuuñ to maqtal meñ tamāshā.ī bahut aate haiñ
aao us vaqt ki jis vaqt pukāre jaao

vaqt ke saath ḳhad-o-ḳhāl badal jaate haiñ
jo na badle vahī tasvīr purānī de jā

har vaqt haiñ maut kī duā.eñ
allāh re lutf zindagī kā

vo jo az-ḳhud hī bane baiThe haiñ sardār huzūr
vaqt ik din unheñ lā.egā sar-e-dār huzūr

har suḳhan ko faḳhr hai 'uzlat' tavajjoh se mirī
huuñ imām-e-vaqt dillī ke suḳhan-dānoñ ke beach

ruḳh haath pe rakkhā na karo vaqt-e-takallum
har baat meñ qur.ān uThāyā nahīñ jaatā