Tags-Wajood

har aan mere vajūd meñ yuuñ anā kī ta.amīr ho rahī hai
ki jaise bhejā gayā huuñ maiñ bhī zamīn par ik makāñ banāne

ik haqīqat se ubhar aatā hai har shai kā vajūd
ek jugnū se añdherā bhī chamak jaatā hai

ḳhaak huuñ lekin sarāpā nuur hai merā vajūd
is zamīñ par chāñd sūraj kā numā.inda huuñ maiñ

tujhe talāsh hai jis kī guzar gayā kab kā
mire vajūd meñ vo shaḳhs mar gayā kab kā

kisī sub.h ḳhvāhish-e-marg se bhī numūd paatī hai zindagī
kisī shaam apne vajūd par bhī gumān hotā hai qabr kā

mirī sub.h-e-ḳhvāb ke shahr par yahī ik javāz hai jabr kā
ki mire vajūd ke baaġh meñ abhī koī phuul hai sabr kā

hazār baar isī rāste se guzrā hai
mirā vajūd jo ab kūcha-e-salīb aayā

kisī ne shāne pe haath rakh kar jo naam pūchhā 'matīn' apnā
charāġh āñkhoñ meñ jal-bujhe haiñ vajūd saarā pighal rahā hai

ka.ī zamāne kī saḳhtī bhī jhel lete haiñ
ka.ī vajūd hifāzat se TuuT jaate haiñ

hai mushtamil numūd-e-suvar par vajūd-e-bahar
yaañ kyā dharā hai qatra o mauj-o-habāb meñ

har ek shai pe hai yaksāniyat kā ġhalba kyuuñ
ye imtiyāz-e-vajūd-o-adam uThāne meñ

ik aañch thī ki jis se sulagtā rahā vajūd
sho.ala sā jaag uTThe vo shiddat nahīñ milī

rafāqatoñ kā jahāñ tār-tār dekhā hai
vajūd-e-zīst kā uḌtā ġhubār dekhā hai

mire vajūd kī duniyā meñ hai asar kis kā
maiñ jāntā hī nahīñ huuñ maiñ ham-safar kis kā

tū ne mirī ruuh
vajūd samet apnī mohabbat se tar kī thī

adam hai aur vajūd us musht-e-par kā bhī masāvī sā
sitam ham par kare sayyād jitnā us kā jī chāhe

zulf ke pech meñ laTke hue shā.er kā vajūd
thak chukā hogā use mil ke utāro yaaro

yuuñ hujra-e-ḳhayāl meñ baiThā huā huuñ maiñ
goyā mirā vajūd nahīñ vāhima huuñ meñ

ye zindagī kī hai rūdād-e-muḳhtasar 'fānī'
vajūd-e-dard musallam ilaaj nā-mālūm

bikhar gayā huuñ fazāoñ meñ bū-e-gul kī tarah
mire vajūd meñ vus.at mirī samā na sakī