Tags-Waiz

vaa.iz kī ab na maan agar jaan hai aziiz
is daur meñ ye chiiz ba-taur ik davā ke pī

jo Thokar hī nahīñ khāte vo sab kuchh haiñ magar vaa.iz
vo jin ko dast-e-rahmat ḳhud sambhāle aur hote haiñ

tezī-e-bāda kujā talḳhī-e-guftār kujā
kund hai nashtar-e-sāqī se sinān-e-vā.iz

vaa.iz ko jo aadat hai pechīda-bayānī kī
hairāñ hai ki rindoñ kī har baat kharī kyuuñ hai

na man.a kar mai-o-māshūq se hameñ vaa.iz
ki ham shabāb meñ sab kuchh ravā samajhte haiñ

koī zāhid ban gayā hai koī vaa.iz ban gayā
kaise kaise svāñg haiñ roTī kamāne ke liye

sun to rahe ho baat yuuñ vaa.iz kī ġhaur se
lekin yaqīn us kī kisī baat par bhī hai

pī ke aa.e haiñ kahīñ haath na bahke vaa.iz
dāḌhī katreñ na kahīñ jeb katarne vaale

aatī hai hūr-e-jināñ ḳhalvat-e-vā.iz ke liye
qabr meñ utreñge mimbar se utarne vaale

saiñkaḌoñ sajdoñ meñ vaa.iz ko huā hai hāsil
zīnat-e-mahfil-e-arbāb-e-riyā ho jaanā

vaa.iz ham ko tū na hañgāma-e-mahshar se Darā
apne nazdīk vo ik majma-e-yārāñ hogā

chhupā kar bahut pī hai masjid meñ vaa.iz
ye zarf-e-vuzū sab khañgāle hue haiñ

vā.iz-e-nā-samajh piyeñ sharbat
ham kahāñ ḳhuld se bahalte haiñ

bahke hue vaa.iz se mil kar kyuuñ baiThe hue ho mai-ḳhvāro
gar toḌ de ye sab jām-o-subū kyā kar loge dīvāne kā

kyā jaane kahegā kyā aa kar hai daur yahāñ paimāne kā
allāh kare vaa.iz ko kabhī rasta na mile maiḳhāne kā

vaa.iz na sunegā saaqī kī lālach hai use paimāne kā
mujh se hoñ agar aisī bāteñ maiñ naam na luuñ maiḳhāne kā

asīr-e-hūr haiñ vaa.iz ab un kī kaun sune
kahānī aap kī hai tūl-e-muḳhtasar kī tarah

tujh ko tāb-e-nazar nahīñ vaa.iz
is liye uzr-e-pārsā.ī hai

duniyā meñ to mamnūa hai jannat meñ hai jaa.ez
kyā baat hai vaa.iz kī yahāñ aur vahāñ aur

na chheḌo bāda-kasho mai-kade meñ vaa.iz ko
bahak ke aa gayā bechāra aadmī hī to hai