Tags-Tanz

kyuuñ ba-har-lamha bikhartā hai yaqīñ kā paikar
tanz o tashkīk ke asbāb bil-āḳhir kyā haiñ

unheñ kyā jānte ho tum unheñ pahchānte ho tum
adā-e-tanz se har ek par uñglī uThātā hai

ye koī tarīqa hai tanz yuuñ nahīñ karte 'shād'-ārfī-sāhib
aap jaise dil vaale is tarah nahīñ marte 'shād'-ārfī-sāhib

āñkhoñ meñ manzaroñ ko jab ābād kar liyā
dil ne kiyā ye tanz ki vīrān maiñ bhī huuñ

tanz-āmez nahīñ hai mirā andāz-e-suḳhan
talḳh be-shak hai magar baat judā lagtī hai

pahle apnī hālat pe hañs le ḳhud hī jī bhar ke
dekh kar mujhe duniyā tanz se jo hañstī hai

mere sab tanz be-asar hī rahe
tum bahut duur jā chukī ho kyā

tamām umr mire dil meñ jo khaTaktā rahā
vo tiir tere kisī tanz kī kamān kā thā

is liye bantā nahīñ tanz tamāshe pe mire
yaañ to kuchh log tamāsha bhī nahīñ kar sakte

ab tanz pe kyuuñ majbūr karo ham ġhair mulavvis logoñ ko
fan pesh karo ye fahrist-e-asmā-e-girāmī rahne do

kisī ke haath pe bai.at na kar sakā maiñ 'nadīm'
so apnā haath mire haat par hai goyā tanz

ajiib shaḳhs hai us kī bas ek ḳhāmoshī
zamāne bhar kī ḳhurāfāt par hai goyā tanz

nigāh-e-ādam-e-ḳhākī kī vus.atoñ kā bayāñ
tamām arz-o-samāvāt par hai goyā tanz

na vo ḳhulūs kī garmī na vālehāna-pan
kisī se milnā mulāqāt par hai goyā tanz

har ek baat kisī baat par hai goyā tanz
mirī zabān mirī zaat par hai goyā tanz

jin kī ḳhātir pī ga.e rusvā.iyoñ kā zahr bhī
vo bharī mahfil meñ ham par tanz farmāte rahe

ġhā.eb huī bijlī to huī fikr kī lo tez
logoñ ne usī vaqt kyā tanz ko mahmez

aaj to ham ko pāgal kah lo patthar pheñko tanz karo
ishq kī baazī khel nahīñ hai kheloge to hāroge

vo tabassum meñ nihāñ tanz ke mīThe nashtar
vo takallum meñ taġhāful ko chhupāne kī adā

pheñkā thā maiñ ne tanz kā patthar kisī kī samt
'ġhālib' kī tarah apnā hī sar yaad aa gayā