Tags-Tamanna

ashk ban ban ke vo āñkhoñ se Tapak jā.egī
kyā ḳhabar thī ki ye anjām-e-tamannā hogā

kaheñ kis muñh se apnā ā.īna-bardār rahne deñ
tamannā hai ġhulāmī meñ hameñ sarkār rahne deñ

rañg-e-nazar se husn-e-tamannā nikhār ke
baiThī huuñ aaj kākul-e-hastī sañvār ke

ham kis ke hue dil kis ne liyā vo kaun hai kyā hai kyā kahiye
ye raaz abhī tak khul na sakā ham kis kī tamannā karte haiñ

paate haiñ vahī maqsūd-e-nazar miltī hai unheñ manzil un kī
jo un kī tamannā meñ har dam ḳhud apnī tamannā karte haiñ

savād-e-shām-e-mohabbat hai dūd-e-be-ātish
tulū-e-sub.h-e-tamannā hai ātish-e-be-dūd

dil meñ mere pal rahī hai ye tamannā aaj bhī
ik samundar pī chukūñ aur tishnagī baaqī rahe

tamannā kī vus.at kī kis ko ḳhabar hai jahāñ-zād lekin
tū chāhe to ban jā.ūñ maiñ phir

kuchh zaḳhm-e-tamannā ko na thā shauq-e-mudāvā
kuchh us ko masīhā.ī kī aadat bhī nahīñ thī

rabāb-e-isq na mizrāb-e-husn kuchh bhī nahīñ
vo naġhma-hā-e-tamannā na vo sadā.eñ rahīñ

na satā.ish kī tamannā na sile kī parvā
gar nahīñ haiñ mire ash.ār meñ ma.anī na sahī

arbāb-e-chaman jo kahte haiñ vo naam mujhe ma.alūm nahīñ
jis shāḳh pe koī phuul na ho maiñ us ko tamannā kahtā huuñ

ram-e-ḳhayāl harīf-e-ram-e-zamāna huā hai
tulū-e-sub.h-e-tamannā payambarāna huā hai

TuuT chukā hai rishta-e-ulfat
yaas hai ab to tamannā guzrī

ai tañgi-e-dayār-e-tamannā batā mujhe
vo paañv kyā hue jinheñ sahrā aziiz thā

aarzū rakh use paane kī koī roz abhī
phir yahīñ bām-e-tamannā se utar jā.egā tū

ai tā.ir-e-tamannā
ik dūsre kī ḳhātir

aisā bhī koī din mirī qismat meñ hai 'fānī'
jis din mujhe marne kī tamannā na rahegī

ḳhyāl-o-fikr-o-tamannā kā ḳhuun chhup na sakā
zabāñ ḳhamosh thī lekin lahū pukār uThā

vo shoḳh dil-o-jāñ kī tamannā to na niklā
sho.ala to na niklā vo sharārā to na niklā