Tags-Aurat

duniyā ke liye tohfa-e-nāyāb hai aurat
afsāna-e-hastī kā hasīñ baab hai aurat

aurat kī kahānī ho ki 'rāhib' kā fasāna
fankār hai kirdār kā kaTh-putlī tamāshā

duḳhtaran-e-maġhribī ko de na aurat kā ḳhitāb
ye mujassam ho ga.e haiñ kuchh gunahgāroñ ke ḳhvāb

ilm se har chand tujh ko kam kiyā hai bahra-mand
lekin is se ho na ai ma.asūm aurat dard-mand

har manzar har insāñ kī dayā aur mīThā jaadū aurat kā
ik pal ko hamāre bas meñ hai pal biitā sab miT jā.egā

shoḳhī shabāb husn tabassum hayā ke saath
dil le liyā hai aap ne kis kis adā ke saath

ḳhizāñ ik ġham-zada bīmār aurat
havā ne chhīn lī jis kī ridā hai

batā.ūñ kyā tujhe ai ham-nashīñ kis se mohabbat hai
maiñ jis duniyā meñ rahtā huuñ vo is duniyā kī aurat hai

mere ḳhayāl meñ vo aurat
duniyā kī lazīz-tarīn aurat hai

zamāne ab tire madd-e-muqābil
koī kamzor sī aurat nahīñ hai

ek javān sī aur dīvānī aurat ko
maiñ ne saḌak par aksar ghūmte dekhā hai

thī soch ye manafī, lagne lagī musbat bhī jo na.ara ban ke yahāñ
āzādī-e-nisvāñ kah kah kar aurat ko kiyā hai uryāñ bhī

aurat apnā aap bachā.e tab bhī mujrim hotī hai
aurat apnā aap gañvā.e tab bhī mujrim hotī hai

aurat ke ḳhudā do haiñ haqīqī o majāzī
par us ke liye koī bhī achchhā nahīñ hotā

log aurat kī har ik chīḳh ko naġhma samjhe
vo qabīloñ kā zamāna ho ki shahroñ kā rivāj

log aurat ko faqat jism samajh lete haiñ
ruuh bhī hotī hai us meñ ye kahāñ sochte haiñ

ye tasavvur kī karishma-sāziyāñ
dekhā jis shai ko vo aurat ho ga.ī

ajab rivāyatī aurat hai zindagī merī
hamesha hasb-e-zarūrat hī chāhī jaatī rahī

vo qubūl-sūrat sī
sāñvlī bhalī aurat

vo qubūl-sūrat sī
sāñvlī bhalī aurat