Tags-Shama

gul pe bulbul thā kahīñ sham.a pe parvāna thā
ham ne har rañg meñ dekhā tire dīvāne ko

kaam aa jaatī hai ham-bazmī bhī raushan dil kī
sham.a ham-rañg banā letī hai parvāne ko

naḳhvat-e-husn pasand aa.ī hai dīvāne ko
sar-kashī sham.a kī manzūr hai parvāne ko

sho.ala ho ki ḳhushbū ho tāsīr meñ yaksāñ hai
har sham.a mahaktī hai har phuul farozāñ hai

pur-soz tarannum meñ kyā sham.a ġhazal-ḳhvāñ hai
lau jhūmtī jaatī hai parvāna bhī raqsāñ hai

sham.a kyuuñ parda-e-fānūs meñ chhup jaatī hai
us ne parvāne ko qurbān bhī hone na diyā

koī mujh pe phuul chaḌhā.e kyuuñ koī mujh pe sham.a jalā.e kyuuñ
koī mere paas bhī aa.e kyuuñ ki maiñ hasratoñ kā mazār huuñ

āshiq banā ke ham ko jalāte haiñ sham.a-rū
parvāna chāhiye unheñ parvāna chāhiye

go sham.a huuñ pa mahfil-e-jānāñ se duur huuñ
maiñ andalīb huuñ pa gulistāñ se duur huuñ

shab jo aayā bazm meñ vo shola-rū
sham.a gul karne ko parvāna chalā

sab ne hañgāma-e-mahfil ke maze luuTe haiñ
rah ga.ī sham.a be-chārī sar-e-mahfil tanhā

chhoḌ kar ham ko milā sham.a-ruḳhoñ se jā kar
isī qābil hai tū ai dil ki jalā.eñ tujh ko

nisār-e-sham.a ho jaanā to parvāne kī fitrat hai
na pūchho ḳhaak hone se mire mahfil pe kyā guzrī

jo patiñgā lau pe fidā huā to taḌap ke sham.a ne ye kahā
ise mere dard se kyā ġharaz ye to raushnī kā ġhulām hai

sub.h-dam dekhā to saarā baaġh thā gul kī taraf
sham.a ke tābūt par royā na parvāna koī

is taraf bazm meñ ham the vo the
us taraf sham.a thī parvāna thā

bujh ga.ī sham.a bhī parvāne bhī dam toḌ chuke
un ke aane kī ab ummīd hai kam so jaao

ai asīrān-e-tilism-e-shab-e-ġham so jaao
sham-e-ummīd kī lo ho ga.ī kam so jaao

sham.a bhī bujh jā.egī parvāna bhī jal jā.egā
raat ke donoñ musāfir haiñ shajar dekhegā kaun