Tags-Samundar

ik chāñd kī kashtī hī nahīñ Dūbne vaalī
varna vo samundar to balā-ḳhez bahut hai

lag jaatī hai naav us paar
aur samundar rah jaatā hai

kashtiyāñ kaise nikal pā.eñgī giilī tah se
pī liyā chand hī sāñsoñ meñ samundar kis ne

samundar is qadar shorīda-sar kyuuñ lag rahā hai
kināre par bhī ham ko itnā Dar kyuuñ lag rahā hai

mujhe yaad hai
rā.egānī ke gahre samundar meñ

kaTī huī hai zamīñ koh se samundar tak
milā hai ghaao ye dariyā ko rāsta de kar

kyā dikhā.eñ ḳhushk lab do buuñd ke saaqī haiñ sab
pyaas sahrā-e-azal us ko samundar chāhiye

sochte haiñ sar-e-sāhil 'bāqī'
ye samundar hameñ kyā dete haiñ

kam-himmatī ḳhatra hai samundar ke safar meñ
tūfān ko ham dosto ḳhatra nahīñ kahte

chāñd chaḌhtā dekhnā behad samundar par 'munīr'
dekhnā phir bahr ko us kī kashish se jāgtā

ye samundar haiñ bahut nā-kāfī
saarī duniyā ko Dubo jaanā hai

hamāre ba.ad in ābādiyoñ kī ḳhair kiijo
samundar ham ne apnī pyaas se bāñdhā huā hai

jazba-o-fikr ke ḳhāmosh samundar ke tale
jab bhī tūfān machaltā hai ġhazal hotī hai

surḳh chaman zanjīr kiye haiñ sabz samundar laayā huuñ
maiñ to duniyā bhar ke manzar āñkhoñ meñ bhar laayā huuñ

jab samundar mere siine meñ samā jā.egā 'prem'
har bhañvar kī aabrū kā imtihāñ ho jā.ūñgā

nigāh koī to tūfāñ meñ mehrbān sī hai
har ek mauj samundar kī pā.edān sī hai

har nazar ko ārzūoñ kā samundar baḳhsh kar
har zabāñ par tishnagī tahrīr kar dī jā.egī

saat samundar paar jo aa kar dasht-e-fazā ko dekhā hai
ret kā manzar āñkhoñ meñ hai dil meñ ḳhauf kā dariyā hai

pahchān rahī thī mujhe sāhil pe bichhī ret
ik lahr chalī aa.ī samundar se nikal kar

samundar ke kināre sīpiyoñ se
kisī ne dil likhā thā yaad hogā