Tags-Raat

ham vo panchhī jin ke ghar se duur basere hote haiñ
raat ko ḳhvāb ḳhayāl ke lashkar dil ko ghere hote haiñ

har shaam jald sone kī aadat hī paḌ ga.ī
har raat ek ḳhvāb zarūrī sā ho gayā

us kī zulfoñ meñ chamakte the sitāre har pal
har ghaḌī raat ke āsār huā karte the

din meñ ham ne bhulā diyā thā tujhe
raat lene ko intiqām aa.ī

ek tum hī na the varna har chiiz thī chāñd ke saath thī raat kī dil-kashī
saaz bajtā rahā lai ubhartī rahī raqs hotā rahā log gaate rahe

ban jo kuchh ban sake javānī meñ
raat to thoḌī hai bahut hai saañg

rāt-bhar ḳhvāb meñ jalnā bhī ik bīmārī hai
ishq kī aag se bachne meñ samajhdārī hai

raat afsūñ hai kahīñ kā nahīñ rahne detī
din ko so.e na koī raat ko jaagā na kare

ye mirā bujhtā sulagtā sin ye mere rāt-din
kis tarah kaTte bhalā tujh bin ye mere rāt-din

biite sāvan kah rahe haiñ ye chhamā-chham the kabhī
ab to haiñ goyā faqat kin-min ye mere rāt-din

maiñ ne armānoñ kā pahlā raqs dekhā thā jahāñ
kaash ho jaate vahīñ sākin ye mere rāt-din

DhūñDh laate haiñ hamesha mere jurmoñ kā javāz
ye mire sab se baḌe mohsin ye mere rāt-din

tū samajhtā hai judā ḳhud ko agar mujh se to phir
saiñkaḌoñ se zarb de kar gin ye mere rāt-din

Dar rahā huuñ umr kī nā-pā.edārī se 'qatīl'
vaqt ke hāthoñ na jaa.eñ chhin ye mere rāt-din

hirs-o-havas ke naam ye din raat kī talab
imdād kī umiid mafādāt kī talab

maañg hai tiijī raat kitchen meñ thoḌā bhī na ujālā ho
maañg hai chauthī sab kuttoñ kā fauran desh-nikālā ho

vo na jaage raat ko aur zid se baḳht-e-ḳhufta kī
baj gayā āḳhir gajar zanjīr khaḌkāte hue

ghar kī tasalliyoñ meñ javāz-e-hunar to hai
in jañgaloñ meñ raat kā jhūTā safar to hai

raushan koī charāġh mazār-e-havā pe ho
palkoñ pe aaj raat ġhubār-e-sahar to hai

raat ko jo bhī ḳhvāb meñ dekhā sub.h vahī ta.abīr kiyā
agle roz bhī jāgnā hogā niiñd bichārī baiThegī