Tags-Prostitute

mastī meñ uThā aañkh jidhar dekho ahāhā
nāche hai tavā.if kahīñ maTke hai bhavayya

tū mirī jaañ hai magar hai to tavā.if hī naañ
maiñ tirī khul ke himāyat bhī nahīñ kar saktā

hasad kī ek tavā.if suhā.ī āñkhoñ ko
vafā se is liye dāman chhuḌā liyā maiñ ne

na qaid-e-shar.a baaqī hai na āzādī kī hai kuchh had
nahīñ kuchh guftugū is baab meñ ye nek hai yā bad

ik tavā.if jo jalātī hai badan se chūlhā
apnī beTī ko afīfa nahīñ hone degī

log har lamha badalte haiñ nazariye apne
zehn-e-insāñ bhī tavā.if ke hai bistar kī tarah

zindagī ko ġhaur se dekhā to mujh ko yuuñ lagā
ek tavā.if jis tarah ho manchaloñ ke darmiyāñ

ye kaTnī mol meñ kartī hai gaḌbaḌ
tavā.if qaul kī bilkul kharī hai

kabhī dil chāhtā hai in tavā.if-zādiyoñ kī zindagī bartūñ

kabhī dil sochtā hai in tavā.if-zādiyoñ kī zindagī likkhūñ
ki jin ke roz-o-shab koThe kī chhoTī koTharī meñ malgajī sī raushnī meñ zindagī kī talḳhiyāñ chun kar guzartī

kiyā hai saath hamāre jo zindagī ne 'munīr'
ravā rakhe na kisī se koī tavā.if bhī

chalo tavā.if ġhāfil hai
ham to izzat-dār nahīñ

vo tavā.if
ka.ī mardoñ ko pahchāntī hai

ye auratoñ meñ tavā.if to DhūñD letī haiñ
tavā.ifoñ meñ inheñ aurteñ nahīñ miltīñ

ḳhāna-e-dil kā jo tavā.if hai
qasd-e-bait-ul-haram se ḳhā.if hai