Tags-Philosophical

mubārak ho za.īfī ko ḳhirad kī falsafa-rānī
javānī be-niyāz-e-ibrat-e-anjām hai saaqī

kyuuñ tazabzub meñ na hoñ is daur ke ahl-e-nazar
gumrahī hai āgahī kā falsafa oḌhe hue

jaan kī baazī lagā dī bhed ke khulne talak
ishq vāloñ ko hamārā falsafa achchhā lagā

falsafa mere sahīfe meñ hai hikmat bhī hai
aarzū bhī mire āġhosh meñ hasrat bhī hai

ishq ik tabsira hai husn kī ra.anā.ī par
husn ik falsafa hai ishq kī rusvā.ī kā

falsafa 'ġhālib' ke jaisā kaun likkhegā 'hinā'
bhar sakegā shā.irī meñ phir se rañg-e-'mīr' kaun

falsafa ishq kā asrār fan-o-hikmat ke
ḳhānqāhoñ se paḌheñ sīna-ba-sīna sīkheñ

falsafa bhī ḳhudī falsafī bhī ḳhudī
aap tālib hai aap hī kitāb aadmī

phir mohabbat kā falsafa kyā hai
ye agar sab lahū kī vahshat hai

kam-baḳht DhūñDhtī hai mohabbat meñ falsafa
tañg aa ga.e haiñ aql ke dīvāna-pan se ham

zarā ishq karne se pahle samajh le
mohabbat kā kyā falsafa jāntā hai

maslahat andesha-e-ġham ko zarā kam kar ga.ī
falsafa vo jhuuT shāmil jis meñ dānā.ī bhī hai

masjid pukārtī rahī hayya-alal-falāh
jaise hamārā apnā koī falsafa na ho

'sadā' ke paas hai duniyā kā tajraba vaa.iz
tumhārī baat meñ bas falsafa kitāb kā hai

hamāre ba.ad rivāyat chalī mohabbat kī
nizām-e-ālam-e-hastī ko falsafa to milā

tazād-e-hastī kā falsafa huuñ uruuj o pastī kā aa.inā huuñ
uThā huā ik ġhurūr-e-sar huuñ miTā huā ek naqsh-e-pā huuñ

vajūd kā huā jaatā hai falsafa paanī
rumūz-e-zāt se parde uThā rahī hai ġhazal

us kā ik adnā karishma ruuh vo itnā ajiib
aql isti.ajāb meñ hai falsafa hairat meñ hai

ḳhūn-e-jigar meñ fikr kī gahrā.iyāñ bhī haiñ
gar hai mizāj-e-falsafa-dānī ġhazal suno

na to āshnā na hī ajnabī na koī badan hai na ruuh hī
yahī zindagī kā hai falsafa ye jo falsafa hai ye Thiik hai