Tags-Mazhab

sharāb-e-ishq har millat meñ har maz.hab meñ jaa.ez hai
ye kyā aafat hai ai vaa.iz ravā ko nāravā karnā

maz.hab-parastiyoñ ne dīvāna kar diyā hai
apnī briādrī se begāna kar diyā hai

samjhā.eñge ab ham tumheñ maz.hab ke ma.ānī
ham amn-o-aḳhūvvat tirī jāgīr kareñge

aisī zid kā kyā Thikānā apnā maz.hab chhoḌ kar
maiñ huā kāfir to vo kāfir musalmāñ ho gayā

baT ga.e haiñ maz.haboñ meñ sab yahāñ
koī batlā.e to maz.hab dhuup kā

mire dil meñ basne vaale tujhe kaise bhuul jā.ūñ
tirā ishq merā maz.hab tirī yaad zindagī hai

mashrab meñ to durust ḳharābātiyoñ ke hai
maz.hab meñ zāhidoñ ke nahīñ gar ravā sharāb

sab tire sivā kāfir āḳhir is kā matlab kyā
sar phirā de insāñ kā aisā ḳhabt-e-maz.hab kyā

tārīḳh ba-har daur ulaTtī hai varaq aur
maz.hab meñ hai lekin vatniyat kā sabaq aur

kalima paḌhtā huā qabr meñ utrā huuñ maiñ
mere maz.hab ko nakīrain ne samjhā kyā hai

ajab hai 'sālik' bhī riñd-mashrab ki chhoḌ baiThā hai millateñ sab
na māntā hai kisī kā maz.hab na hai ye pāband apne diiñ kā

ḳhudā kā vāsta kyā duuñ use maiñ
jahāñ maiñ jis kā maz.hab kuchh nahīñ hai

na pūchho dil se us kī raah kā haal
sivā-e-ishq maz.hab kuchh nahīñ hai

rasm-o-maz.hab se na tum ġhair bano aapas meñ
ho chalat meñ koī yā Thaah meñ sam par mal jaao

hasab-nasab hai na tārīḳh o jā-e-paidā.ish
kahāñ se aayā thā maz.hab na valdiyat ma.alūm

hai qaid ilāqe kī maz.hab kī na millat kī
milte haiñ dil-o-jāñ ke rishte ka.ī urdu meñ

'hafīz' aise musalmāñ kā bhī koī dīn-o-maz.hab hai
butoñ kī dostī meñ tārik-e-islām ho jaanā

fareb de kar nikāle matlab sikhā.e tahqīr-e-dīn-o-maz.hab
miTā de āḳhir ko vaz-e-millat numūd-e-zātī ko gar baḌhā de