Tags-Khuda

ḳhushāmadoñ se nikaltā nahīñ hai kaam yahāñ
mo.āmla hai ḳhudā se sanam nahīñ ai dost

koī savāl-e-ḳhudā-o-sanam nahīñ ai dost
maiñ kyā karūñ mirī gardan meñ ḳham nahīñ ai dost

charāġh bhī mirā chehra hai shab bhī merā jism
to phir ye ḳhalq-e-ḳhudā kyuuñ jalā rahī hai mujhe

baiThe raho mere sāmne tum
az bahr-e-ḳhudā na jaao sāhib

ḳhudā ko āzmānā chāhiye thā
kisī kā dil dukhānā chāhiye thā

ḳhudā kī shaan hai ye baat aur muñh un kā
'nizām' phir karūñ tauba sharāb piine se

usī ke hukm par us ko maiñ tanhā chhoḌ aayā thā
ḳhudā jaane mujhe vo kyuuñ magar vāpas bulātā hai

jo but hai yahāñ apnī jā ek hī hai
duī chhoḌ bande ḳhudā ek hī hai

aa ga.ī lab tak āh-e-ātish-bār
ab ḳhudā hai nigāh-bān-e-qafas

rah-e-talab meñ hai āsūda-hāl mauj-ba-jism
ḳhudā ḳhudā hī rahā aur sanam sanam na huā

ḳhudā kī yaad hai ḳhalvat meñ is liye behtar
ki ḳhud ko jānegā tanhā.iyoñ meñ fariyādī

ab is se aur ibārat nahīñ koī saadī
ki merā ḳhaas hunar bhī rahā ḳhudā-dādī

kaTā thā roz-e-musībat ḳhudā ḳhudā kar ke
ye raat aa.ī ki sar pe mire azaab aayā

naqsh ma.adūm hue jaate haiñ rafta rafta
ai ḳhudā aaj mirī raah meñ haa.il kyā hai

ye alag baat ki vo mujh se ḳhafā rahtā hai
maiñ ik insān huuñ aur mujh meñ ḳhudā rahtā hai

ḳhidmat-e-ḳhalq se hotī hai ḳhudā kī ḳhidmat
ishq maḳhlūq-e-ibādāt meñ aa jaatā hai

butoñ se agar hotī ḳhālī ye duniyā
ḳhudā kī bhī koī haqīqat na hotī

mire josh-e-ashk se bahra-var hue kul jahān ke bahr-o-bar
na barastī aaj ye chashm-e-tar to ḳhudā-na-ḳhvāsta kaal thā

na taab hijr kī rakhtā huuñ ne umīd-e-visāl
ḳhudā hī jaane ki kyā hogā us kā āḳhir-kār

dil to aqīdatoñ kī hadoñ se guzar gayā
vo to ḳhudā kā ḳhauf thā puujā nahīñ tujhe