Tags-Jalwa

sab marz-būm-e-ālam hai jalva-gāh apnī
vīrān haiñ to ham haiñ ābād haiñ to ham haiñ

na dekhā us parī-jalva ko 'bedār'
rahā mashġhūl tū yaañ mā-o-man meñ

na phir īdhar udhar nāhaq bhaTaktā
ki hai vo jalva-gar tere hī man meñ

dil meñ hai jalva-kunāñ chāh-e-zanaḳhdāñ kā ḳhayāl
ain ka.abe meñ nazar chashma-e-zamzam aayā

ka.aba ho kalīsā ho dil ho ki sanam-ḳhāna
jalva ho jahāñ terā ābād vo kāshāna

tuur hī kī tarah jal na jaa.e kahīñ
jalva-bārī se pahle makāñ dekhiye

hosh meñ jalva dikhāne se agar hai us ko aar
hai vidā-e-hosh kī har haal meñ apnī salāh

shab faroġh-e-bazm kā baa.is huā thā husn-e-dost
sham.a kā jalva ġhubār-e-dīda-e-parvāna thā

jo hamārī nazreñ na pā sakeñ to hamārī nazroñ kī hai ḳhatā
tirā jalva pahle bhī aam thā tirā jalva aaj bhī aam hai

agar vo husn-e-dil-ārā kabhī ho jalva farosh
faroġh-e-nūr meñ gum zarf-e-bām ho jaa.e

dil-e-hazīñ ko mire jalva-zār hone do
ḳhizāñ-nasīb chaman meñ bahār hone do

mere dil kī vus.ateñ añgḌā.iyāñ lene lagīñ
jalva dekhā jab tirā har moḌ par har gaam par

tasavvur ko tire jalva-fagan kahnā hī paḌtā hai
hameñ tanhā.ī ko bhī anjuman kahnā hī paḌtā hai

kah sake kaun ki ye jalvagarī kis kī hai
parda chhoḌā hai vo us ne ki uThā.e na bane

tā-kujā ai āgahī rañg-e-tamāshā bāḳhtan
chashm-e-vā-gardīda āġhosh-e-vidā-e-jalva hai

husn-e-be-parvā ḳharīdār-e-matā-e-jalva hai
aa.ina zānū-e-fikr-e-iḳhtirā-e-jalva hai

kab ġhair huā mahv tirī jalvagarī kā
tū pūchh mire dil se maza be-ḳhabarī kā

mahfil-e-duniyā ko Thukrā duuñ magar
jalva-farmā haiñ tirī ra.anā.iyāñ

ik sabz bashārat nusrat kī
ik jalva ḳhāk-nashīnoñ kā

jab us ruḳh-e-pur-nūr kā jalva nazar aayā
ka.aba nazar aayā na kalīsā nazar aayā