Tags-Jalwa

ai shahr-e-sañg tujh meñ zaḳhmoñ kī kyā kamī hai
teġh-e-adā-e-jalva behtar hai ham na DhūñDeñ

dāġh-e-dil taarā hai chashm-e-mehr kā
ishq kī jalva-numā.ī dekhiye

thī bahār-e-gul-e-jalva ki havā kā jhoñkā
jis ne dāman nigah-e-shauq kā bharne na diyā

parda haa.il jo thā kahāñ hai ab
terā jalva hī darmiyāñ hai ab

'mardān-safī' mirā māh-e-laqā hai merī hī shakl meñ jalva-numā
mujh se ye kahtā hai kah de khulā tū aur nahīñ maiñ aur nahīñ

ai 'mus.hafī' shāneñ haiñ mirī jalvagarī meñ
har rañg meñ maiñ maz.har-e-āsār-e-ḳhudā huuñ

itnā hī fasurda hai agar haal pe mere
jalva kabhī apnā vo dikhā kyuuñ nahīñ detā

ye maanā husn-e-haqīqat ayaañ majāz meñ hai
magar vo jalva hai ai chashm-e-imtiyāz kahāñ

har varaq ik kitāb ho jaa.e
aks-e-jalva naqāb ho jaa.e

hastī kī sub.h kaun sī mahfil kā hai ma.aal
āñkheñ khulī haiñ hasrat-e-jalva liye hue

tujh ko kyuuñ kar kaheñ ham harjā.ī
nuur to jalva-gar hai har jā meñ

ham-zānū-e-ta.ammul o ham-jalva-gāh-e-gul
ā.īna-band ḳhalvat-o-mahfil hai aa.ina

jalva-gāh-e-hastī meñ husn jalva-gar dekhā
haa.e ham-nafas mat pūchh kab kahāñ kidhar dekhā

majmūa-e-ḳhār-o-gul hai zeb-e-gulzār
nekī-o-badī hai jalva-gāh-e-iz.hār

dil ko apnī hī jalva-gāh samajh
aa nazar farsh-e-rāh hai pyāre

kasrat-o-vahdat meñ nisbat hai shuā-o-shams kī
ek hī jalva hai jalvoñ kī farāvānī kahāñ

jalve ke baad vasl kī ḳhvāhish zarūr thī
vo kyā rahā jo āshiq-e-dīdār hī rahā

misāl-e-ḳhurshīd jalva-gar hai jigar kā har ek dāġh-e-tābāñ
nazāra kar merī shām-e-ġham kā jo sub.h-e-raushan se kam nahīñ hai