Tags-Jalwa

sanam-kadoñ meñ to asnām jalva-farmā the
ḳhudā ke ghar meñ bhī mujh ko kahīñ ḳhudā na milā

ham is muñh boltī bechārgī par dam-ba-ḳhud hoñge
vo hoñge sāmne be-ḳhud nigāh-e-jalva-jū hogī

faroġh-e-jalva-gāh-e-nāz apnī hī nazar tak hai
vahāñ tak jalve bhī hoñge jahāñ tak justujū hogī

ajab hai rū-e-jānāñ par na honā ek bhī til kā
adam kartā nahīñ tāroñ ko jalva māh-e-kāmil kā

usī ma.abūd kā hai dair-o-haram meñ jalva
bahs kis baat kī hai gabr o musalmāñ kaisā

ye aalam ho to un ko be-hijābī kī zarūrat kyā
naqāb uThne na paa.e aur jalva aam ho jaa.e

nihāñ haiñ takmīl-e-ḳhud-shanāsī meñ jalva-hā-e-ḳhudā-shanāsī
jo apnī hastī se be-ḳhabar hai vo aap se āshnā kahāñ hai

tamām partav haiñ aks-e-partav tamām jalve haiñ aks-e-jalva
kahāñ se lā.ūñ misāl-e-sūrat ki aap sā dūsrā kahāñ hai

unhīñ ko jalva-rezī ban ga.ī thī chāñdnī ġham kī
ufuq pe dil kī vo chamkā kiye māh-e-azā ho kar

tujhī ko jo yaañ jalva-farmā na dekhā
barābar hai duniyā ko dekhā na dekhā

lo uTh ga.e sab jalva-gāh-e-nāz ke parde
nazzāra-e-husn-e-ruḳh-e-jānāna mubārak

hote hī jalva-gar tire ai āftāb-rū
siine meñ jaise shabnam-e-gul dil rahā na thā

hote vo jalva-numā gul-paikar-o-gul-pairahan
ham unheñ 'maḳhmūr' firdaus-e-tamāshā dekhte

maiñ kabhī jalva huuñ terā tū kabhī partav mirā
umr guzrī jā rahī hai ye tamāshā dekhte

jalva-gāh-e-dil meñ aa jaate vo be-parda agar
ham bhī rañg-e-be-ḳhudī ham rañg-e-mūsā dekhte

mehrbāñ kaise kahūñ maiñ 'arsh' us bedard ko
nuur āñkhoñ kā jo ik jalva dikhā kar le gayā

dīdār-talab kā tālib hai use jalva dikhā de
āshiq tū zar-o-māl kā saa.il nahīñ hotā

din shahīd-e-nāz kā kis kis jagah hai jalva-rez
kuchh hai shafaq meñ aur kuchh shāmil hai lāla-zār meñ

ḳhāl-o-ruḳh-e-habīb kī jalvagarī ke sāmne
chāñd hai kis qatār meñ taare haiñ kis shumār meñ

raushan-zamīr jaise koī sarf-e-dīd ho.e
yuuñ jalva-hā-e-kaun-o-makāñ dekhtā huuñ meñ