Tags-Hawa

mujh ko ehsās bartarī kā huā
rif.atoñ ko jab ik nazar dekhā

paañv tale uḌtā huā taḳht-e-zar
sar pe mire sāya-e-jinnāt thā

vo ye kahtī haiñ magar chīnī kī īñToñ kā agar farsh ho dīvāreñ hoñ
dil ye kahtā hai ki har chiiz kā nikhrā huā rañg

niiñd se chuur zamāne kī daraḳhshāñ ho hayāt
ghar se añgḌā.iyāñ letā huā gar tū nikle

bahut hī ro.e gale mil ke ek ek se ham
luTā huā jo koī ham ne kārvāñ dekhā

tere aane meñ tavaqquf jab huā ai nāma-bar
ḳhat unheñ bechain ho kar ham ne likkhā ek aur

ek arse baad jab aanā huā ghar kī taraf
sirf tanhā.ī thī 'satya' aur bachā koī na thā

mar kar huā huuñ ḳhaak dar-e-yār ke liye
saaya banā huuñ maiñ tirī dīvār ke liye

har naqsh havā ho ke bikhar jā.egā āḳhir
'ḳhālid' tirā ehsās bhī mar jā.egā āḳhir

sāhil se duur ġharq huī kashtī-e-ummīd
maujoñ ko chheḌtā huā tūfāñ hai aur ham

jo mahv-e-fikr-e-zīst haiñ unheñ bhalā ye kyā ḳhabar
tulūa maah kab huā kab āftāb Dhal gayā

badan ko rauñdne vaalo zamīr zinda hai
jo haq kī pūchh rahe ho to haq adā na huā

tez havā uḌā chale jis tarah barg-e-zard ko
us kī hañsī bhī apne saath merā savāl le ga.ī

chhūtī hai zarā jab tan ko havā chubhte haiñ ragoñ meñ kāñTe se
sau baar ḳhizāñ aa.ī hogī mahsūs magar is baar huī

ab tez havā kitnī hī chale ab garm fazā kitnī hī rahe
siine kā zaḳhm charāġh banā dāman kī aag bahār huī

kuchh aaj aisī hī jī pe guzrī dabī huī thī jo choT ubhrī
jise sambhāle huā thā dil meñ vo naala be-iḳhtiyār sā hai

likho to ḳhūn-e-jigar se havā kī lahroñ par
ye dāstāñ anokhī bhī hai purānī bhī

ek sard jañg hai ab mohabbateñ kahāñ
TūTte hue tilism phailtā huā dhuāñ

Tuk hirs-o-havā ko chhoḌ miyāñ mat des bides phire maarā
qazzāq ajal kā luuTe hai din raat bajā kar naqqārā

hai intizār use bhī tumhārī ḳhush-bū kā
havā galī meñ bahut der se rukī huī hai