Tags-Hawa

koī shāḳh-e-girya lipaT ga.ī mire sūkhte hue jism se
maiñ ḳhizāñ kī rut meñ harā huā ye ''darūd'' hī meñ kamāl thā

abhī reg-e-dasht pe sabt haiñ sabhī naqsh mere sujūd ke
vo jo ma.arke kā sabab huā vahī harf-e-haq mirī Dhaal thā

mirī raakh meñ thiiñ kahīñ kahīñ mere ek ḳhvāb kī kirchiyāñ
mere jism-o-jāñ meñ chhupā huā tirī qurbatoñ kā ḳhayāl thā

sheva-e-ishq-o-vafā meñ ham ko nākāmī sahī
kam se kam ye to huā be-maut marnā aa gayā

bas vahī lamha aañkh dekhegī
jis pe likhā huā ho naam apnā

ā.īne ke visāl se raushan huā charāġh
par lau se is charāġh kī ā.īna jal paḌā

phir huā yuuñ curfew kī ḳhāmushī ke darmiyāñ
dard meñ Duubī huī aa.ī qalandar kī pukār

qudrat ke usūloñ meñ badal kyuuñ nahīñ hotā
jo aaj huā hai vahī kal kyuuñ nahīñ hotā

tumhāre siine meñ dil ke jaisā jo ek patthar dhaḌak rahā hai
vo ek patthar na jaane kitne diloñ kā markaz banā huā hai

ye chāñd se bhī hasīn-tar hai jo chāñd jaisā chamak rahā hai
firāq kī shab meñ āsmāñ par tumhārā chehrā Tañgā huā hai

zarā sī der meñ mausam badalne kā zamāna hai
havā ke bāzuoñ kī chūḌiyāñ āvāz detī haiñ

'shafīq' ahbāb aksar yaad aate haiñ hameñ ab bhī
havā ke saath bajtī tāliyāñ āvāz detī haiñ

tire badan ke na.e zāviye banātā huā
guzar rahā hai koī dā.ere banātā huā

pahle to intiḳhāb huā nām-e-husn par
phir ism-e-ishq le ke banāyā gayā mujhe

hai bahut kuchh abhī to parde meñ
dekhtā jā abhī huā kyā hai

maiñ ḳhud se duur nikaltā gayā udhaḌtā huā
ḳhud apnī zaat se niklā huā sirā le kar

bachā hai mujh meñ bas ik āḳhirī sharar 'ātish'
koī to aa.e tirī yaad kī havā le kar

kahāñ din raat meñ rakkhā huā huuñ
ajab hālāt meñ rakkhā huā huuñ

ta.alluq hī nahīñ hai jin se merā
maiñ un ḳhadshāt meñ rakkhā huā huuñ

kabhī aatā nahīñ thā haath apne
ab apne haath meñ rakkhā huā huuñ