Tags-Hawa

havā ke ruḳh par charāġh-e-ulfat kī lau baḌhā kar chalā gayā hai
vo ik diye se na jaane kitne diye jalā kar chalā gayā hai

matā-e-jāñ bhī usī pe vaarī usī ke dam se hai saañs jaarī
mire badan meñ vo ḳhushbuoñ kī havā basā kar chalā gayā hai

ġham us ko saarī raat sunāyā to kyā huā
yā roz uTh ke sar ko phirāyā to kyā huā

un ne to mujh ko jhūTe bhī pūchhā na ek baar
maiñ ne use hazār jatāyā to kyā huā

ḳhvāhāñ nahīñ vo kyuuñ hī maiñ apnī taraf se yuuñ
dil de ke us ke haath bikāyā to kyā huā

ab sa.ī kar sip.har ki mere muue ga.e
us kā mizāj mehr pe aayā to kyā huā

mat rañja kar kisī ko ki apne to e'tiqād
dil Dhaa.e kar jo ka.aba banāyā to kyā huā

maiñ said-e-nā-tavāñ bhī tujhe kyā karūñgā yaad
zālim ik aur tiir lagāyā to kyā huā

kyā kyā duā.eñ māñgī haiñ ḳhalvat meñ shaiḳh yuuñ
zāhir jahāñ se haath uThāyā to kyā huā

vo fikr kar ki chāk-e-jigar paave iltiyām
nāseh jo tū ne jaama sulāyā to kyā huā

jiite to 'mīr' un ne mujhe daaġh hī rakkhā
phir gor par charāġh jalāyā to kyā huā

mirā dil aa gayā jhaT-paT jhapaT meñ
huā laT-paT lapaT zulfoñ kī laT meñ

huī hai ādmiyat sarf dīn-e-shaitāñ par
huā hai sarf lahū tishnagī-e-haivāñ par

dasht-e-vafā meñ Thokareñ khāne kā shauq thā
ab har qadam pe uḌtī hai kaalī harī havā

havā kā jis taraf ruḳh ho gayā hai
usī jānib hai shāḳhoñ kā jhukāo

bahut udaas thā us din magar huā kyā thā
har ek baat bhalī thī to phir burā kyā thā

vahī utrī dil-e-betāb kī tashkīl ke ba.ad
ishq ta.amīr huā ilm-o-hunar se pahle

tere saudā.ī ko phir josh huā vahshat kā
qaidī-e-zulf ko phir tauq-o-rasan yaad aayā

yuuñ jal ke raakh ḳhvāb ke paikar hue ki bas
ik ā.īna banā huā hairāniyoñ meñ huuñ

dard is darja mile zabt meñ kāmil huā maiñ
us ko paane kī talab meñ kisī qābil huā maiñ