Tags-Hawa

vo koī ḳhush-bū hai merī saañs meñ bahtī huī
maiñ koī aañsū huuñ us kī ruuh meñ girtā huā

us ke milne aur bichhaḌ jaane kā manzar ek hai
kaun itne fāsloñ meñ be-hijāb aisā huā

aatā hai yaad mujh ko guzrā huā zamāna
vo baaġh kī bahāreñ vo sab kā chahchahānā

sabza-e-lams pe baḌhtā huā lamha lamha
sust-rau sho.ala-e-tūfān-e-tamannā aisā

ab na dastak meñ sadā hai na hai zanjīr meñ shor
band ab tak na huā thā dar-e-tauba aisā

jo maiñ sar-ba-sajdā huā kabhī to zamīñ se aane lagī sadā
tirā dil to hai sanam-āshnā tujhe kyā milegā namāz meñ

maiñ huā zīnat-e-makān-e-qafas
dūd-e-afġhāñ hai sā.ebān-e-qafas

hujūm-e-ham-nafsāñ chāra-e-alam na huā
ki is tarah ġham-e-tanhā-ravī to kam na huā

na pūchh dasht-e-talab meñ matā-e-dāman-e-zīst
ye taar taar to hotā rahā pa nam na huā

likhī ga.ī haiñ junūñ kī hikāyateñ kyā kyā
magar vo qissa-e-ġham jo kabhī raqam na huā

milī na ābla-pāyān-e-shauq ko manzil
ki fāsloñ kī tarah hausla bhī kam na huā

rah-e-talab meñ hai āsūda-hāl mauj-ba-jism
ḳhudā ḳhudā hī rahā aur sanam sanam na huā

vo kaun haiñ ki havas raas aa ga.ī hai jinheñ
yahāñ to ishq bhī chāra-gar-e-alam na huā

gumāñ huā mujhe ehsān-e-nā-shanāsī kā
jo ḳhud-baḳhud koī āmāda-e-sitam na huā

khīñchte hī teġh adā ke dam huā apnā havā
aah dil meñ ārzū-e-zaḳhm-e-kārī rah ga.ī

dilbaroñ ke raaz kā mahram huā
dard se dil misl-e-jām-e-jam huā

rāt-din aañsū bahe mātam huā
dard furqat kā na lekin kam huā

rah gayā huuñ ban ke ik tasvīr-e-ġham
ġham ke hāthoñ haa.e kyā aalam huā

zaḳhm khaa.e ek muddat ho ga.ī
soz-e-dil lekin nahīñ maddham huā

dard-e-ulfat kī hasīñ tashkīl meñ
imtizāj sho.ala-o-shabnam huā