Tags-Hawa

chup-chup rah ke kuchh nahīñ kah ke kyā se kyā kah jaate ho
dabe dabe bujhte ḳhvāboñ ko aur havā de jaate ho

huā hai ishq meñ ḳhāsān-e-haq kā rañg safed
ye qatl-e-ām nahīñ shoḳhi-e-hinā kahiye

ham ko to ek tujh se do aalam meñ hai ġharaz
sab bad-gumāñ huā kareñ tū bad-gumāñ na ho

ab bhī pal pal jī dukhtā hai
jaise sab kuchh abhī huā hai

kaise tum se ishq huā thā kyā kyā ham par biit rahī hai
sun lo to sachchā afsāna varna ek kahānī hai

bah ga.e dīda-e-nam-nāk se dariyā lekin
dil vahī ek dahaktā huā añgāra hai

dil huā soz-e-jahannam meñ giraftār magar
ruuh ab bhī kisī firdaus meñ āvāra hai

kāñch ke reze tez havā meñ bāvle uḌte phirte haiñ
nañge badan kī chāñdnī se phir taarā taarā girtā hai

maan kar bhī tum ne ham ko umr bhar maanā nahīñ
kyā huā hai aaj ham mar kar bahut achchhe lage

un ke har ik lams kā aisā asar mujh par huā
dil kī dīvāreñ sabhī shahr-e-nigārāñ ho ga.iiñ

ḳhunuk havā shaam kī kahānī na.ī na.ī sī
purāne ġham phir mohabbatoñ bhar na.e na.e se

kalī kī ḳhū hai bahar-hāl muskurāne kī
vagarna raas kise hai huā zamāne kī

nahīñ bahār ko fursat na ho bahār to hai
tarāvat-e-chaman o ḳhūbī-e-havā kahiye

qadam qadam pe huā jab munāfiqat kā shikār
to apne shahr kī vo būd-o-bāsh chhoḌ gayā

koī nazar na paḌ sake mujh hāl-mast par
baiThā huā huuñ is liye pichhlī nishast par

qātil huā ḳhamosh to talvār bol uThī
maqtal meñ ḳhūn-e-garm kī har dhaar bol uThī

us bazm meñ mujhe nahīñ bantī hayā kiye
baiThā rahā agarche ishāre huā kiye

rakhtā phirūñ huuñ ḳhirqa o sajjāda rahn-e-mai
muddat huī hai dāvat āb-o-havā kiye

nik.hat-o-rañg na mausam kī havā Thahrī hai
gul kī qismat meñ ba-har-hāl fanā Thahrī hai

mujhe sahl ho ga.iiñ manzileñ vo havā ke ruḳh bhī badal ga.e
tirā haath haath meñ aa gayā ki charāġh raah meñ jal ga.e