Tags-Hawa

ye kyā huā ki ab tujhī se bad-gumāñ maiñ ho gayā
maiñ sochtā thā zindagī tū mujh ko raas aa ga.ī

kaun pahuñchā hai dasht-e-imkāñ tak
vaise pahuñchā huā to maiñ bhī huuñ

ghaḌī meñ kyā huā kyuuñ is qadar miTTī ke paikar ne
ajab larza, ajab jumbish, ajab harakat se bal khāyā

tarġhīb na kar sair-e-chaman kī hameñ 'saudā'
har-chand havā ḳhuub hai vaañ lek havas ko

un ko bhūle hue zamāna huā
phir ye pahlū meñ dard sā kyā hai

aabrū dard-e-dil kī baḌh jaa.e
jab vo pūchheñ tumheñ huā kyā hai

āñdhiyāñ aa.iiñ to sab logoñ ko ma.alūm huā
parcham-e-ḳhvāb zamāne meñ nigūñ kitnā hai

dukh hai Thahrā huā nigāhoñ meñ
terī yādeñ bilo rahī hai raat

apnī kuTiyā ke añdhere ko miTā.ūñ kaise
vo mire diip ko zulfoñ se havā detī hai

patthar paḌe hue kahīñ rasta banā huā
hāthoñ meñ tere gaañv kā naqsha banā huā

āñkhoñ kī aabjū ke kināre kisī kā aks
paanī meñ lag rahā hai parinda banā huā

sahrā kī garm dhuup meñ bāġh-e-bahisht hai
tinkoñ se tere haath kā pañkhā banā huā

sandal ke itr se tirī mehñdī guñdhī huī
sone ke taar se mirā sehrā banā huā

yādoñ se le rahā huuñ hinā.ī mahak kā lutf
Table pe rakh ke lauñg kā qahva banā huā

mele meñ nāchtī huī jaTTī ke raqs par
yāroñ ke darmiyān hai jhagḌā banā huā

āsmānoñ meñ uḌā karte haiñ phūle phūle
halke logoñ ke baḌe kaam havā kartī hai

duur āfāq pe lahrā.ī koī nuur kī lahr
ḳhvāb hī ḳhvāb meñ bedār huā dard kā shahr

huā āshkārā adam se vajūd
likhā thā jo taqdīr kā ho gayā

haqīqat huā rafta rafta majāz
rasā tāle-e-nā-rasā ho gayā

kabhī sitam hai kabhī karam hai kabhī tavajjoh kabhī taġhāful
ye saaf zāhir hai mujh pe ab tak huā huuñ maiñ kāmyāb aadhā