Tags-Hawa

'nasīm' duzdī-e-mazmūñ na chhoḌeñge sho.arā
agarche shahr kā tabdīl kotvāl huā

kyā vaqt thā kyā vaqt hai is soch se hāsil
chhoḌo jo huā kyā use mīzān meñ rakhnā

jahāñ se bhaag niklā thā vahīñ patthar huā āḳhir
mujhe sāñsoñ kī sarhad tak dobārā le gayā koī

dhuup meñ paanī meñ sardī meñ havā ke saath saath
jaan apnī de rahā hai aaj bhī mazdūr kyuuñ

qahqahoñ se to zamāna huā mahrūm haiñ lab
aur fasāne meñ mirā rol hai joker vaalā

jo huā jaisā huā achchhā huā
jab jahāñ jo ho gayā achchhā huā

dukh pe mere ro rahā thā jo bahut
jaate jaate kah gayā achchhā huā

baat thī parde kī parde meñ rahī
Tal gayā ik hādsa achchhā huā

merī bigḌī dāstāñ meñ dosto
zikr un kā jab huā achchhā huā

uThte uThte un kī nazreñ jhuk ga.iiñ
tum pe 'āzim' tabsira achchhā huā

ye tai huā hai ki qātil ko bhī duā diije
ḳhud apnā ḳhuun bahā phir bhī ḳhūñ-bahā diije

ik havā sā mire siine se mirā yaar gayā
zinda karne mujhe aayā thā magar maar gayā

tū mirī ibtidā tū mirī intihā maiñ samundar huuñ tū sāhiloñ kī havā
terī manzil bane merā har rāstā maiñ samundar huuñ tū sāhiloñ kī havā

roz-o-shab mauj-dar-mauj huuñ dar-ba-dar roz-o-shab sāhiloñ par paTaktā huuñ sar
haath aatā nahīñ phir bhī dāman tirā maiñ samundar huuñ tū sāhiloñ kī havā

merī shorīdgī ke ye tūfān sab merī ḳhāmoshiyoñ ke ye armān sab
kuchh nahīñ ik tirī aarzū ke sivā maiñ samundar huuñ tū sāhiloñ kī havā

tū hī manzil mirī tū hī had hai mirī tujh se vābastagī nām-zad hai mirī
tū na ho gar to maiñ ḳhud meñ kho jā.ūñgā maiñ samundar huuñ tū sāhiloñ kī havā

ḳhushbuoñ se tirī ye mahaktā safar yuuñ hī jaarī rahegā mire auj par
tū masāfat mirī maiñ tirā rāstā maiñ samundar huuñ tū sāhiloñ kī havā

magar tanā huā rahtā hai kam-nasīboñ se
ye āsmāñ jo tumheñ ḳham dikhā.ī detā hai

maiñ sar-ba-sajda huā us ke dar pe to pūchhā
ye kaun shaḳhs hai mahv-e-namāz lagtā hai

tavīl raat se hotā hai barsar-e-paikār
so chaak tez huā hai mujhe banāte hue