Tags-Hawa

paikar-e-alfāz meñ ik aag dahkātā huā
kāġhzī sahrā meñ ik sho.ala bhaḌak kar so gayā

mausam to badalte haiñ lekin kyā garm havā kyā sard havā
ai dost hamāre āñgan meñ rahtī hai hamesha zard havā

sab apne shanāsā chhoḌ ga.e raste meñ hameñ ġhairoñ kī tarah
chehre pe hamāre Daal ga.ī lā kar ye kahāñ kī gard havā

chhūTe na kabhī phūloñ kā nagar koshish to yahī hai apnī magar
ik roz uḌā le jā.egī pattoñ kī tarah be-dard havā

kyā baat huī kyuuñ shahr jalā ab is ke sivā kuchh yaad nahīñ
ik fard sarāpā aag huā pal-bhar meñ huā ik fard havā

aa.ī hai ghane jañgal meñ abhī jo khel bhī chāhe khele magar
kal mere saath uḌā.egī phir sahrā sahrā gard havā

āñkhoñ kī chamak mauhūm huī lau dete badan afsurda hue
dar aa.ī hai 'qaisar' ghar meñ mire ye kaisī rutoñ kī sard havā

maiñ apne dil meñ na.ī ḳhvāhisheñ sajā.e hue
khaḌā huā huuñ havā meñ qadam jamā.e hue

havā ke phuul mahakne lage mujhe pā kar
maiñ pahlī baar hañsā zaḳhm ko chhupā.e hue

shahr kī ek ek shai apnī jagah par hai 'nazar'
kyā huā vo aadmī kuchh kuchh jo dīvānā sā thā

ta.alluqāt kā ik ye bhī shāḳhsāna huā
hadaf meñ us kā banā jis se dostāna huā

kasīdagī-e-marāsim se mutma.in huuñ bahut
fasurda-ḳhātirī-e-yār to bahāna huā

ab us se rasm-o-rah-e-dostī nahīñ mumkin
ye ek faisla honā thā vālihāna huā

mire ḳhudā ne talab se mujhe ziyāda diyā
mirā nasīb na maharūm-e-āb-o-dāna huā

duā-e-ḳhair ki ab bijliyoñ kī zad meñ hai
mirā qafas huā yā terā āshiyāna huā

kuchh us kā husn thā kuchh zevaroñ kī zebā.ish
ye ḳhvāb thā use dekhe hue zamāna huā

ye dil ki jis meñ haiñ madfūn saiñkaḌoñ yādeñ
navādirāt kā 'mohsin' koī ḳhazāna huā

abhī bādbān ko tah rakho abhī muztarib hai ruḳh-e-havā
kisī rāste meñ hai muntazir vo sukūñ jo aa ke chalā gayā

koī nahīñ hai jo batlā.e mere logoñ ko
havā ke ruḳh ke badalne se kyā ġhazab hogā

na jaane kyuuñ mujhe lagtā hai aisā hākim-e-shahr
jo hādisa nahīñ pahle huā vo ab hogā