Tags-Hawa

havā chalī nañgī ujyālī
taa.ir ugte Daalī Daalī

har kisī aañkh kā badla huā manzar hogā
shahr-dar-shahr masīhāoñ kā lashkar hogā

kabhī jo hukm-e-safar huā to khulā ye mujh par
jo par salāmat thā āshiyāne meñ rah gayā hai

shor-e-tūfān-e-havā hai be-amāñ sunte raho
band kūchoñ meñ ravāñ hai ḳhūn-e-jāñ sunte raho

chādar se jab na chhup sakā sukḌā huā badan
khul kar ab apne paañv pasārā kareñge ham

abhī tak kyuuñ ye patte TūTte haiñ
havā to kab kī ruḳhsat ho ga.ī hai

jise maiñ qatl kar ke ḳhush huā thā
har ā.īna vo sūrat ho ga.ī hai

binā bole jo tum ne kal kahā hai
hamārā dil zarā baiThā huā hai

ho paa.e kisī ke ham bhī kahāñ yuuñ koī hamārā bhī na huā
kab Thahrī kisī ik par bhī nazar kyā chiiz hai shahr-e-ḳhūbāñ bhī

yuuñ aañkh jhapaktā nahīñ bahtā huā paanī
manzar meñ na ho jaa.eñ baham donoñ kināre

phir yuuñ huā ki haath se kashkol gir paḌā
ḳhairāt le ke mujh se chalā tak nahīñ gayā

ḳhvāb āñkhoñ meñ nahīñ dil meñ tamannā bhī nahīñ
ishq māyūs huā ho magar aisā bhī nahīñ

aa ki maiñ dekh luuñ khoyā huā chehra apnā
mujh se chhup kar mirī tasvīr banāne vaale

fazā-e-shab hañs ke jagmagā.ī vo nāznīñ sub.h ban ke aa.ī
huā hai raushan mire shabistāñ meñ chāñd se āftāb pahle

jagmagātā huā ḳhanjar mire siine meñ utaar
raushnī le ke kabhī ḳhāna-e-vīrān meñ aa

huā insāñ hī jab insāñ kā dushman
shikāyat phir kisī kī kyā gila kyā

vo kahte haiñ nasheman tark kiije
chalī gulshan meñ ye taaza havā kyā

uThī insāniyat yaksar yahāñ se
yakāyak ḳhū-e-insāñ ko huā kyā

ujaḌ kar rah gayā do din meñ he he
mire 'gulzār'-e-hindī ko huā kyā

be-ta.alluq bhī hai vo ham ne bhī hai ab tak 'zafar'
rābta joḌā huā TuuTe hue tāroñ ke saath