Tags-Hawa

jaañ khapāte haiñ ġham-e-ishq meñ ḳhush ḳhush 'ālī'
kaisī lazzat kā ye āzār banāyā huā hai

baaqī kī mohabbat meñ dil saaf huā itnā
jab sar ko jhukātā huuñ shīsha nazar aatā hai

ab chait gar nahīñ kuchh taaza huā huuñ bekal
aayā huuñ jab ba-ḳhud meñ jī is meñ jā rahā hai

aur phir us ke ta.āqub meñ huī umr tamām
ek tasvīr uḌī tez havā meñ aisī

shahr ke ābād sannāToñ kī vahshat dekh kar
dil ko jaane kyā huā maiñ shaam se ghar aa gayā

mujrim hai dil ki ma.amūlī āhaToñ par bhī chauñk uThtā hai
kamre meñ varna koī nahīñ ye pāgal havā kā jhoñkā hai

ye raushnī ke ta.āqub meñ bhāgtā huā din
jo thak gayā hai to ab us ko muḳhtasar kar de

ḳhushbū se kis zabān meñ bāteñ kareñge log
mahfil meñ ye savāl tujhe dekh kar huā

itnī sī baat raat pata bhī nahīñ lagī
kab bujh ga.e charāġh havā bhī nahīñ lagī

maiñ ḳhuun bahā kar bhī huā baaġh meñ rusvā
us gul ne magar kaam pasīne se nikālā

paañv ke nīche saraktī huī ret
sar meñ masnad kī havā baaqī hai

aisī zid kā kyā Thikānā apnā maz.hab chhoḌ kar
maiñ huā kāfir to vo kāfir musalmāñ ho gayā

tark de islām ko aur kufr saarā duur kar
chhoḌ de hirs-o-havā farzand aur zan bhuul jā

jahāñ kal ishq par charchā huā ghanToñ
vahīñ ab husn kī manDī lagī hai kyā

ab to dīvānoñ se yuuñ bach ke guzar jaatī hai
bū-e-gul bhī tire dāman kī havā ho jaise

tai huā ye bhī marhala āḳhir
tīrgī se ubhar rahā huuñ maiñ

ġhubār-e-gard meñ gum thā sahar kā mīnāra
shafaq ke saath huā phir bhī āshkāra kuchh

tilsim-e-shab kī fasīloñ ko toḌ Dālegā
sutūn-e-vaqt pe bujhtā huā sitāra kuchh

bāġhoñ meñ ḳhirāmāñ thī shahroñ meñ pareshāñ hai
ḳhushbū ko na raas aayā pāband-e-havā rahnā

ka.aba pahuñchā to kyā huā ai shaiḳh
sa.ī kar Tuk pahuñch kisī dil tak