Tags-Hawa

sad-jalva be-hijāb ḳhirāmāñ hai aaj kal
sahmā huā sā gumbad gardāñ hai aaj kal

aañsū meñ aks-e-naqsha-e-daurāñ hai aaj kal
simTā huā sā ālam-e-imkāñ hai aaj kal

azal se sūraj abad meñ talāsh jis ko kartā huā gayā hai
sadaf zamīñ hai to zindagī kā guhar mirī ḳhaak meñ milegā

vo habs-e-jāñ hai barasne se bhī jo kam na huā
ghuTan ġhazab kī hai ik chashm-e-tar ke hote hue

ik sadā kī sūrat ham is havā meñ zinda haiñ
ham jo raushnī hote ham pe bhī jhapaTtī raat

na to dam letī hai tū aur na havā thamtī hai
zindagī zulf tirī koī sañvāre kaise

āḳhir 'zafar' huā huuñ manzar se ḳhud hī ġhā.eb
uslūb-e-ḳhās apnā maiñ aam karte karte

'shām' havā kī siskiyāñ din ke lahū kī surḳhiyāñ
dard-bharī ye dāstāñ phailī haiñ sab karāñ karāñ

huā behosh bilkul aah us kī aamad aamad meñ
gar aane se maiñ us ke bā-ḳhabar hotā to kyā hotā

kaafī hai us kī zaat ke irfān ke liye
mauj-e-havā ke dosh pe uḌnā sahāb kā

tumhārā zikr chhiḌā jab to mo.ajiza ye huā
ki jitne gūñge the saare kalām karne lage

tire nishān ko chintā havā meñ galiyoñ meñ
nikal gayā huuñ bahut duur aise rastoñ par

un ko mahbūb kaheñ yā ki raqīb ab apnā
un ko bhī pyaar huā jaa.e hai apnī chhab se

dekhā sanam-kadoñ ko to aksar huā ḳhayāl
vo naqsh-e-jāvedāñ the jo patthar meñ rah ga.e

koī naqsh aur koī dīvār samjhā
zamāna huā mujh ko chup rahte rahte

kuchh mere dhaḌakte hue dil ne bhī pukārā
kuchh aap ko bāzār meñ dhokā bhī huā hai

shāḳh se shāḳh lipaTtī hai havā chalne par
sar pe chhat aam nazar aatī nahīñ yaarī meñ

huā hai dīdanī manzar zamīñ se āsmāñ kā
qafas meñ ārzū-e-bāl-o-par karne kā din hai

baat ye hai is baaġh meñ phuul se pattā honā achchhā hai
rañg aur ḳhushbū bāñToge to pahle rizq-e-havā hoge

kiran kī nokeñ chubhīñ tan meñ tab huā ehsās
ki ḳhanjaroñ kī tarah mujh se āftāb mile