Tags-Hawa

ghuTan kyuuñ na mahsūs ho shahr meñ
havā chal paḌī hai mazāfāt kī

dekheñ tire kūche kī zarā āb-o-havā bhī
chalte haiñ jo paanī pe jo uḌte havā par

kyā aah se armān nikalte haiñ kisī ke
pul bāñdhte haiñ bāñdhne vaale to havā par

tum se to safī' ne faqat ik Dhoñg kiyā hai
khātā hai na piitā hai to jiitā hai havā par

maiñ muskurātā huā aa.ine meñ ubharūñgā
vo ro paḌegī achānak siñghār karte hue

raqs karte hue bagūloñ meñ
mātamī shor bhī havā kā hai

aayā hai jab señ baaġh taraf vo kitāb-rū
tab señ huā hai safha-e-barg-e-saman ġhalat

kyā dil-ḳharāsh kaam huā hai mire supurd
ik zard rut ke barg-o-samar chun rahā huuñ maiñ

jo sunā ki ghar tire jā.eñge tire sehan o baaġh sajā.eñge
mire ashk uḌ ke havā ke saath unhī bādaloñ meñ samā ga.e

ka.ī mahfiloñ meñ to yuuñ huā ki jab aa.e 'ālī'-e-ḳhush-adā
jo na khul sake to chhupe rahe jo na ro sake to rulā ga.e

vahshat se maiñ bhāgtā rahā huuñ
phir mujh pe junūñ huā hai taarī

sard mausam kī ḳhatā thī na zamāne kī thī
sham.a ko jis ne bujhāyā vo havā merī thī

havā ke saath jo ik bosa bhejtā huuñ kabhī
to shola us badan-e-pāk se nikaltā hai

ek musht-e-ḳhāk aur vo bhī havā kī zad meñ hai
zindagī kī bebasī kā isti.āra dekhnā

raah kī dhuul meñ Duubā huā aa pahuñchegā
apne maazī kā pata lene gayā hai koī

ḳhayāl-o-ḳhvāb huā barg-o-bār kā mausam
bichhaḌ gayā tirī sūrat bahār kā mausam

havā chalī to na.ī bārisheñ bhī saath aa.iiñ
zamīñ ke chehre pe aayā nikhār kā mausam

maiñ rotā huuñ āh-e-rasā band hai
barastā hai paanī havā band hai

abr-e-rahmat hai to shabnam kī tarah se utre
rañg-e-ḳhushbū kī havā arz-e-hunar tak aa.e

nikal ke dekhte kyā hai havā zamāne kī
dar-e-qafas kabhī ham ko khulā nahīñ miltā