Tags-Hawa

jab huā rutba-e-fanā fillāh
ġham nahīñ gar jahān-e-fānī hai

parvāna-e-havā-o-havas haañ barā.e-shauq
koī maqām sham-e-vafā se alag-thalag

kab tak rahegā vahshī-e-ehsās-o-āgahī
nā-sāzgār āb-o-havā se alag-thalag

jaltā rahā charāġh yaqīn-o-gumān kā
lekin huā na duur añdherā makān kā

āñchal kisī kā tez havā ne uḌā diyā
kashtī se rābta na rahā bādbān kā

'fāḳhir' jamī huī hai abhī tak vahīñ nigāh
malba paḌā huā hai jahāñ us makān kā

tamām umr kabhī mujh se hal huā hī na thā
vo mas.ala jo haqīqat meñ mas.ala hī na thā

badan se jis kī thakan aaj tak nahīñ utrī
maiñ us safar pe ravāna kabhī huā hī na thā

kitnī sarkash bhī ho sar-phirī ye havā rakhnā raushan diyā
raat jab tak rahe ai mire ham-navā rakhnā raushan diyā

bām-o-dar chīḳhte haiñ reñgtī tanhā.ī meñ
shahr meñ ḳhaak uḌātī hai havā mere ba.ad

koī suntā nahīñ vīrān paḌe haiñ kamre
sar paTaḳhtī hai kivāḌoñ se havā mere ba.ad

ḳhvāhish ke phailte hue manzar meñ tum hī tum
jazboñ ke ik hisār meñ simTā huā thā maiñ

aage nikal ga.e vo mujhe dekhte hue
jaise maiñ aadmī na huā naqsh-e-pā huā

sukūñ se koī ghar meñ baiThā huā hai
koī ḳhvāb meñ dauḌtā bhāgtā hai

shahr kā shahr huā ab to ta.āqub meñ mire
terā jaadū bhī thā mujh ḳhāk-basar hone tak

surme se tuur ke bhī na kuchh fā.eda huā
āñkhoñ ko intizār kā āzār hī rahā

chamkā tirā jamāl jo mahfil meñ vaqt-e-shām
parvāna be-qarār huā sham.a jal ga.ī

shor itnā huā āñgan meñ ki phir bhuul gayā
aaj barsoñ meñ use yaad kiyā thā maiñ ne

ek saa.e kī talab meñ zindagī pahuñchī yahāñ
duur tak phailā huā hai mujh meñ manzar dhuup kā

maiñ sab se alāhada huuñ magar mujh meñ hai sab kuchh
Thahrā huā sahrā ho ki dariyā kī ravānī