Tags-Hawa

na itnī tez chale sar-phirī havā se kaho
shajar pe ek hī pattā dikhā.ī detā hai

ta.alluqāt ke zaḳhmoñ kā huuñ satāyā huā
jo shaam aa.ī mirā saaya bhī parāyā huā

miTegā zehan se kab terī yaad kā afsūñ
hazār sadiyoñ se ye bojh hai uThāyā huā

vo ek shaḳhs abhī dil meñ chhup ke baiThā hai
vo shaḳhs jo kabhī apnā kabhī parāyā huā

har ek lamhe kī aahaT pe dil laraztā hai
zamāne bhar ko ho jaise gale lagāyā huā

na.ī rutoñ kī huā ne ajiib sāzish kī
ki mauj-e-ḳhūñ meñ hai har barg-e-gul nahāyā huā

kisī ke saañs kī āvāz tak nahīñ aatī
sukūt-e-marg ne pahra hai vo biThāyā huā

har ik nazar meñ koī ajnabī sī aahaT hai
har ek dil meñ koī ḳhauf hai samāyā huā

vo tīrgī hai ki āñkhoñ meñ ik kiran bhī nahīñ
vo ḳhāmushī hai ki lamhoñ ne zahar khāyā huā

maiñ apne vaqt ke zindāñ kā ek qaidī huuñ
nazar nazar hai fasīloñ ne sar uThāyā huā

gurez-pā hai vo umr-e-azīz kī mānind
hai ek umr se apnā jise banāyā huā

na koī yaar na hamdam na koī hamrāhī
tumhārī zulf kā saaya to ḳhair saaya huā

jo huā thā vo huā thā kyūñkar
tujh se maiñ baat karūñgā ik roz

matlab yahī huā ki mirā bhī vajūd hai
us ā.īna meñ saaf nazar aa rahā huuñ maiñ

area paḌā huā huuñ maiñ gard-e-zamīn par
miTTī meñ tire lams ko dafnā rahā huuñ maiñ

chāñd dauḌ kar pīchhā kartā hai
aur ye havā

lakīr nuur kī jo āsmān-e-dil pe banī hai
añdherī raat kā hamla huā to Dhaal huī hai

dar-e-mai-kada hai khulā huā sar-e-charḳh aaj ghaTā bhī hai
chale daur-e-sāqī-e-dilrubā ki chaman meñ raqs-e-sabā bhī hai

mujhe kyā uḌā.eñge bāl-o-par ki qafas meñ umr huī basar
maiñ rihā huā bhī kabhī agar to rihā.ī merī sazā bhī hai

jo bahār fasl-e-shabāb thī vo misāl-e-abr guzar ga.ī
nahīñ zindagī meñ koī ḳhushī ki ḳhilāf mere havā bhī hai