Tags-Hawa

ḳhud apnī ḳhvāhish pe jaan dene kā naam rakkhā hai ishq-o-ulfat
huā havas meñ ye ḳhud-farebī ke jaal kyā dil-nashīñ bune haiñ

jab maiñ us aadmī se duur huā
ġham mirī zindagī se duur huā

malbūs pahne raat apnā zar-nigār
zer-e-jāma taaz meñ laTkā huā

sachchā.ī ke rañg havā meñ phail ga.e
chunarī ko lahrāo mausam achchhā hai

sajde ke har nishāñ pe hai ḳhuuñ sā jamā huā
yaaro ye us ke ghar kā kahīñ rāsta na ho

sone vāloñ ko kyā ḳhabar ai hijr
kyā huā ek shab meñ kyā na huā

har rāsta hai ab to āsān zindagī meñ
shāmil huā hai jab se qur.ān zindagī meñ

dil hameñ huā hāsil dard meñ fanā ho kar
ishq kā huā āġhāz ġham kī intihā ho kar

kār-gāh-e-hasrat kā hashr kyā huā yā rab
dāġh-e-dil pe kyā guzrī naqsh-e-mudda.ā ho kar

gar ye mumkin huā to apnī taraf
ek do ḳhush-ḳhisāl khīñcheñge

aur bad-rañg sī chādar pe vo baiThā huā shaḳhs
ḳhvāb meñ boltā jaatā thā siyah baasī lafz

sarmāya-e-hayāt huā chāhtā hai ḳhatm
jis par ġhurūr thā vahī daulat nahīñ rahī

ālam-e-ishq meñ allāh-re nazar kī vus.at
nuqta-e-vahm huā gumbad-e-gardūñ mujh ko

tapte hue dinoñ meñ kahīñ thī ḳhunuk havā
aur sardiyoñ meñ aag sī barpā thī mere paas

kah jaatī hai kyā vo chīn-e-jabīñ ye aaj samajh sakte haiñ kahīñ
kuchh sīkhā huā to kaam nahīñ dil naaz uThānā kyā jaane

ye zorā-zorī ishq kī thī fitrat hī jis ne badal Daalī
jaltā huā dil ho kar paanī aañsū ban jaanā kyā jaane

dayār-e-ġharībāñ se aayā huā ik udheḌ umr chuhā
jo bas rizq kī bū ko pahchāntā hai

havā meñ uḌ rahī haiñ surḳh chīleñ
kabūtar ghoñsloñ meñ so rahe haiñ

haañ ai hujūm-e-ashk ye achchhā nahīñ huā
tū ne hamāre zabt kā rutba ghaTā diyā

kuchh log jo savār haiñ kāġhaz kī naav par
tohmat tarāshte haiñ havā ke dabāv par