Tags-Hawa

junūñ pe jabr-e-ḳhirad jab bhī hoshyār huā
nazar ke saath nazāra bhī sharm-sār huā

ġham-e-jahāñ! bahut achchhā unheñ bhalā deñge
zah-e-nasīb agar dil pe iḳhtiyār huā

ye daur daur-e-pur-āshob hī sahī lekin
zamāna pahle bhī kab kis ko sāz-gār huā

milī haiñ nau-e-bashar se mujhe vo īzā.eñ
ki jab bhī ġhaur kyā ḳhud bhī sharmsār huā

kisī se talḳhi-e-hālāt kā gila hī nahīñ
ki jo huā vo ba-īmā-e-chashm-e-yār huā

ye zindagī kā ufuq bhī ajab ufuq hai 'zamīr'
ki har ḳhayāl sitāra banā ġhubār huā

huā se jo sairbīñ purāne mausamoñ kī hai
sunā sunā ke thak ga.ī mirī tumhārī dāstāñ

ik na ik mūnis kī furqat kā falak ne ġham diyā
dard-e-dil paidā huā dard-e-jigar jaatā rahā

husn kho kar āshnā ham se huā vo naunihāl
pahuñche tab zer-e-shajar ham jab samar jaatā rahā

aayā shu.ūr-e-zīst to ifshā huā ye raaz
tere kalām-e-fan kī maiñ pahlī shikast thā

dil se bādal kabhī uThte hī nahīñ haiñ 'aḳhtar'
kis liye āñkhoñ se bahtā huā dariyā chāhūñ

saaqī tirī navāzish-e-paiham ke bāvajūd
mahsūs ye huā ki abhī tishnagī rahī

jahāñ qatre ko tarsāyā gayā huuñ
vahīñ Duubā huā paayā gayā huuñ

kuchh khoyā huā hai jo kisī ko nahīñ miltā
phirte haiñ pareshāñ qad-o-qāmat mire aage

kuchh bhī ho us se judā.ī kā sabab ghar jaao
Dhal chukī shaam añdherā huā ab ghar jaao

maiñ chāñd raat kā bhaTkā huā musāfir thā
añdherī raat meñ tanhā kiyā safar maiñ ne

ye ḳhalq saarī havā mere naam kar degī
mire charāġhoñ kā jiinā harām kar degī

vo kamra thā ki vīrānī bharā siina thā 'hāris'
vo ik kone meñ baksā thā ki dil rakkhā huā thā

ye havā kaise uḌā le ga.ī āñchal merā
yuuñ satāne kī to aadat mire ghanshyām kī thī

kyā jāniye kaisī thī vo havā chauñkā na shajar patta na hilā
baiThā thā maiñ jis ke saa.e meñ 'manzūr' vahī dīvār girī