Tags-Hawa

karb rāhat hai kabhī aur kabhī rāhat karb
ik muammā ye mizāj-e-dil-e-dīvāna huā

ek mahsūs qarābat kī vo ḳhushbu-e-badan
jis ko chhūne kā tasavvur meñ bhī yārāna huā

kaifiyat dard-e-tamannā kī vahī hai ki jo thī
terā iz.hār-e-vafā bhī dam-e-īsā na huā

jaane kis jān-e-bahārāñ kī lagan hai ki 'salām'
dil sā ma.amūra-e-vahshat kabhī sahrā na huā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

maiñ tamām din kā thakā huā tū tamām shab kā jagā huā
zarā Thahar jā isī moḌ par tere saath shaam guzār luuñ

paañv havā jaise haiñ hamāre jin kā naqsh nahīñ rah paatā
shādī-shuda har rāhguzar kuchh din meñ kuñvārī kar lete haiñ

sahīfa-e-ġham-e-hastī kā jab huā thā nuzūl
to mujh pe soz-e-mohabbat kā baab utrā thā

ḳhizāñ kā zahr sarāyat huā hai rag rag meñ
gulāb-chehre hue zard gulsitānoñ ke

dāġh-e-qamar se āḳhir jab āshnā huā maiñ
jitne raqīb paa.e un meñ na daaġh nikle

mai vo kyuuñ bahut piite bazm-e-ġhair meñ yā rab
aaj hī huā manzūr un ko imtihāñ apnā

ham kahāñ ke daanā the kis hunar meñ yaktā the
be-sabab huā 'ġhālib' dushman āsmāñ apnā

aisā kyā jurm huā hai ki taḌapte marte
apne ehsās kī suulī pe anā ko dekhūñ

maiñ apne shahr kī har rahguzar se pūchhtā huuñ
paḌā huā hai yahīñ vahshatoñ kā saayā kyuuñ

tajarrud kā aalam tujhe kyā burā thā
huā kis liye pā-e-band-e-alā.eq

huā rashk-e-lailā kī furqat meñ majnūñ
mirā haal aur qais kā hai mutābiq

havā kī zid meñ hameñ ab duā jalānā hai
ki hausloñ ko zamāne ke āzmānā hai

maiñ huuñ to ḳhaak magar ḳhushbuoñ sī hai qismat
havā ke saath fazā meñ bikhar hī jaanā hai

yahāñ horn bajāne kī ijāzat nahīñ
aur maiñ ne tamannā kā bharam khol diyā hai ki samundar kī havā

tark-e-vafā ke ba.ad milā to jab ma.alūm huā
is meñ kitne rañg the us ke kaun hamārā thā