Tags-Hawa

ādatan aañkh chhalak uTThī hai hañste hañste
tū mire dost bilā-vaj.h pareshān huā

tez paanī kī sī āvāz gale se niklī
aur sun kar ise ḳhanjar baḌā hairān huā

shāḳh-e-dil par na khilā ab ke baras ek bhī phuul
kaisā ābād thā ye baaġh jo vīrān huā

dost kyā ab to munāfiq bhī koī saath nahīñ
sūkhe phūloñ se bhī mahrūm ye gul-dān huā

aaj is darja mohazzab jo nazar aatā hai
ye vo insān hai sadiyoñ meñ jo insān huā

dil se jaatā nahīñ 'tāriq' kisī kāfir kā ḳhayāl
ham musalmān hue dil na musalmān huā

gar maiñ dukh se sajā huā huuñ to
rañj se ḳhush-libās ho tum bhī

luuT le chain koī ye na huā thā ab tak
mutma.in rah gayā vo aur churā le ga.e ham

huā āvāra hindostāñ se 'lutf' aage ḳhudā jaane
deccan ke sāñvloñ ne maarā yā inglan ke goroñ ne

jab tirī zaat ko phailā huā dariyā samjhūñ
ḳhud ko bhīgī huī rātoñ meñ akelā samjhūñ

jaise miTTī ko havā saath liye phirtī hai
maiñ kahāñ aur kahāñ merā Thikāna mire dost

kyā balā thī adā-e-pursish-e-yār
mujh se iz.hār-e-mudda.ā na huā

tire badan kī nazākatoñ kā huā hai jab ham-rikāb mausam
nazar nazar meñ khilā gayā hai sharāratoñ ke gulāb mausam

havā meñ aa.e to lau bhī na saath lī ham ne
phir ek umr añdheroñ meñ kaaT dī ham ne

maiñ zahe-nasīb ghirā huā huuñ tajalliyoñ ke hujūm meñ
ye shuā kis ke jamāl kī mirī zulmatoñ meñ chamak ga.ī

koī kaash aa ke 'vaqār' ke bhī shikasta saaz ko chheḌ de
vo junūñ-navāz havā chalī vo qabā-e-ġhuncha masak ga.ī

bikhar gayā
havā ke thapeḌe se

kuchh der huī hai ki maiñ bebāk huā huuñ
jab apne hī maazī pe alamnāk huā huuñ

thī fikr jo mahdūd to thā ḳhaak kā zarra
jab aañkh khulī zīnat-e-aflāk huā huuñ

qabl is ke ki bāhar se koī aa ke batā.e
maiñ apne hī ḳhud aap meñ chālāk huā huuñ