Tags-Hawa

ā.īna dekh dekh ke kyā dekhte ho tum
chhūnā bhī yaañ nasīb tumhārā badan huā

ab bosa dene meñ tumheñ kis baat kā hai uzr
gaalī ke dene se hameñ sābit dahan huā

haq baat to ye hai ki usī but ke vāste
zāhid koī huā to koī barhaman huā

taqdīr kī ye baat hai ab kyā kare koī
raazī hue vo bose pe to gum dahan huā

phir mere iztirāb meñ kyuuñ shak hai aap ko
ulfat kā jab yaqīñ tumheñ ai jān-e-man huā

lab tak na aayā harf-e-tamannā kabhī 'nizām'
goyā mirā suḳhan bhī tumhārā dahan huā

ḳhāmosh pattharoñ kī tarah kyuuñ huā hai shahr
dhaḌkan diloñ kī gar nahīñ āvāz-e-pā to ho

jū-e-kam-āb se ik tez sā jharnā huā maiñ
terī jānib huuñ ravāñ shor machātā huā maiñ

mujh se ḳhālī nahīñ ab ek bhī zarra hai yahāñ
dekh ye tañg zamīñ aur ye phailā huā maiñ

dekh kar vus.at-e-sahrā-e-tapāñ larzāñ huuñ
sāhil-e-dīda-e-namnāk pe Thahrā huā maiñ

pā-ba-zanjīr idhar tez huā aur udhar
ḳhaak ke taḳht pe sultān sā baiThā huā maiñ

koī ḳhurshīd sā duniyā pe chamaktā huā tū
kisī dīvār se saaya sā nikaltā huā maiñ

yak qatra ḳhuun ho ke palak se Tapak paḌā
qissa ye kuchh huā dil ġhufrāñ-panāh kā

ba.ad marne ke ghar nasīb huā
zindagī ne to kuchh diyā hī nahīñ

batā.eñ kyā tujh ko chashm-e-pur-nam huā hai kyā ḳhuuñ aarzū kā
banā gul-e-dāġh-e-yās-o-hasrat jo dil meñ qatra bachā lahū kā

kuchh roz use dekh ke yaad ā.eñgī chiḌiyāñ
kuchh roz ye TuuTā huā par tañg karegā

vahī TuuTī huī kashtī hai apnī
vahī Thahrā huā dariyā hamārā

tamām shahr ko mismār kar rahī hai huā
maiñ dekhtā huuñ vo mahfūz kis makāñ meñ hai

tū na ho ye to ho nahīñ saktā
merā kyā thā huā huā na huā

bujhā bujhā huā rahtā huuñ apne ḳhvāboñ meñ
dhuāñ dhuāñ sā mire jāgne kā manzar hai