Tags-Dil

shab-e-firāq kā itnā bhī ġham na kar ai dil
sū-e-sahar hī ga.ī aaj tak jo raat ga.ī

rahtā hai mere dil meñ tirā nuur raat din
ik sho.ala barq-zan hai sar-e-tūr raat din

dil meñ jo bas rahī hai koī nāznīñ hasīñ
phirtī hai merī āñkhoñ meñ ik huur raat din

dildār huā nā-ḳhush ab dil kā ḳhudā-hāfiz
nazroñ meñ lagā laḌne bismil kā ḳhudā-hāfiz

maiñ tujh ko na kahtā thā mat 'nain' butoñ se mil
dil de ke huā rusvā be-dil kā ḳhudā-hāfiz

us kī chashm-e-karam thī hayāt-āfrīñ ḳhushk pattoñ pe jaise nikhār aa gayā
aarzū ke shagūfe mahakne lage dil kī be-chainiyoñ ko qarār aa gayā

umr-bhar fikr-e-duniyā meñ ġhaltāñ rahe maare maare phire muft rusvā hue
zindagī daf.atan zindagī ban ga.ī chaar āñkheñ huiiñ dil meñ pyaar aa gayā

jāntā huuñ kudūrat burī chiiz hai aap se dushmanī kī tavaqqo na thī
duur honā bahut is kā dushvār hai dil ke ā.īne meñ jab ġhubār aa gayā

zaḳhm bharne lage dard tham sā gayā ik sahārā milā dil ko Dhāras bañdhī
us ke qaul-o-qasam meñ bhī ik baat thī jo bhī us ne kahā e'tibār aa gayā

is but se dil lagā ke bahut sochte rahe
sabr-o-sukūñ luTā ke bahut sochte rahe

dil kī vaadī meñ tirā dard barastā hī rahā
abr-e-naisāñ kī tarah abr-e-bahārāñ kī tarah

dil kī taskīn ko māñge kā ujālā kahiye
raat ik shoḳh kī yaad aa.ī thī mehmāñ kī tarah

gar na ho ḳhātir nāzuk pe garāñ to kah duuñ
baat bhī dil meñ utar jaatī hai paikāñ kī tarah

in dinoñ us ke sāmne dil kī
jī-huzūrī hī jī-huzūrī hai

hamāre dil se kyā armān sab ik saath nikleñge
ki qaidī muḳhtalif mī.ād ke hote haiñ zindāñ meñ

darūn-e-sīna jise dil samajh rahā thā 'alī'
vo niilī aag hai ye ab patā chalā mujh ko

nabī sadqe kutub shah dil meñ kiitā
mohabbat haidar-e-karrār ehdās

aaj tak dil kī aarzū hai vahī
phuul murjhā gayā hai bū hai vahī

sabr aa jaa.e is kī kyā ummīd
maiñ vahī, dil vahī hai, tū hai vahī

ki tum aḳhīr bhī kahne na hāl-e-dil paa.e
zabān band huī baat karte hī afsos