Tags-Dil

shab-e-mahtāb dariyā kā kināra aur ye sannāTā
tumheñ is saaz par ham ḳhush kareñge naġhma-e-dil se

āfat-e-jāñ hai koī parda-nashīñ
ki mire dil meñ aa chhupā hai ishq

sūjhe kyūñkar fareb-e-dildārī
dushman-āshnā-numā hai ishq

ham ko tarjīh tum pe hai yaanī
dilrubā husn o jāñ-rubā hai ishq

ab to dil ishq kā mazā chakkhā
ham na kahte the kyuuñ burā hai ishq

phuul sā nāzuk dil bhī apnā
gardish-e-sub.h-o-shām bhī apnī

vo bhī apne dard bhī apnā
āh-e-dil-e-nākām bhī apnī

yahī āshiqoñ kī namāz hai yahī dil-jaloñ kī niyāz hai
jahāñ dekhā yaar kā naqsh-e-pā vahīñ sar ko apne jhukā diyā

vo ḳhud hañsā.e to kam-baḳht dil zidīle dil
ye vaz.a-dārī hai kyuuñ haa.e haa.e hañs denā

intihā ishq kī hai ā.ina-e-dil pe mire
mā-sivā us ke koī aks ubhartā hī nahīñ

Thahrā hai ik jagah dil-e-ḳhāna-ḳharāb kab
dariyā meñ ghar banā ke rahā hai habāb kab

haiñ ye sīmāb-o-barq-o-sho.ala-o-sham.a
is dil-e-be-qarār kī mānind

dil meñ aag dabī hai Darnā
āñkhoñ meñ ashkoñ kā jharnā

chashm-e-nam ne use jaate dekhā
dil ne ye baat na maanī phir bhī

dil ke tātār meñ yādoñ ke ab aahū bhī nahīñ
ā.īna māñge jo ham se vo parī-rū bhī nahīñ

ḳhayāl-o-ḳhvāb ko pāband-e-ḳhū-e-yār rakhā
so dil ko dil kī jagah ham ne baar baar rakkhā

dil se mujhe aane kī hai aan kī aahaT
kyā tāla-e-ḳhufta kī ga.ī niiñd uchaT

vo mujh se duur bhī hai paas bhī hai
kabhī maiñ apne dil meñ dekhtā huuñ

jin jhūTe sachche ḳhvāboñ kī ta.abīr ġham-e-tanhā.ī hai
un jhūTe sachche ḳhvāboñ se tum kab tak dil bahlāoge

in dīda-o-dil kī rāhoñ par tum kis kī talāsh meñ phirte ho
jo khonā thā so kho baiThe kyā DhūñDoge kyā pāoge