Tags-Dil

phir dil meñ dāġh-hā-e-tamannā haiñ zau-fishāñ
phir kar rahā huuñ jashn-e-charāġhān-e-ārzū

ab dekhiye guzartī hai kyā us kī jaan par
ik dil hai aur saiñkaḌoñ tūfān-e-ārzū

samjho na ham ko be-sar-o-sāmāñ ki ham 'jalīs'
rakhte haiñ dil meñ ganj-e-farāvān-e-ārzū

ek dam bhī milā na ham ko qarār
is dil-e-be-qarār ke hāthoñ

ham barsoñ ke ba.ad bhī us ko ab tak bhuul na paa.e
dil se us kā rishta kyā hai ab ma.alūm huā

jaan ko bech ke ye naqd-e-dil ab laayā huuñ
sab se pahle maiñ ḳharīdār huuñ kin kā in kā

yaqīñ se phūTtī hai yā gumāñ se aatī hai
ye dil meñ raushnī āḳhir kahāñ se aatī hai

ḳhudā rakhe tirī āñkhoñ kī dil-navāzī ko
tirī nigāh mirī umr bhar kī daulat hai

kashāñ kashāñ liye jaatā hai kū-e-yār mujhe
maiñ kyā karūñ nahīñ dil par jo iḳhtiyār mujhe

ape hai matlab ape hai tālib ape hai dilkash ape hai āshiq
ape che majnūñ ape che laila ape hai yūsuf ape zuleḳhā

mere bojhal paañv ghuñghrū bāñdh kar halke hue
sochne se kyā nikaltā dil meñ Dar rakkhā huā

marsiye dil ke ka.ī kah ke diye logoñ ko
shahr-e-dillī meñ hai sab paas nishānī us kī

ye soch kar hī inheñ nazm kar liyā maiñ ne
qarār deñge dil-e-be-qarār ke qisse

kitnā sunsān hai rasta dil kā
qāfila koī luTā ho jaise

dil ko thī ek shahr-e-tamannā kī justujū
lekin ham aarzū ke ḳharāboñ meñ kho ga.e

dil meñ apnā pyaar jagā kar
kaash mohabbat vaalā kar do

aisī āñdhī pyaar kī bhejo
dil kā gulshan sahrā kar do

rukne lagī hai dil kī dhaḌkan
jī chāhe to achchhā kar do

dil ko phir ummīd garmāne lagī
phir mujhe duniyā nazar aane lagī

dil pe Daalī hai kisī ne phir nigāh
saañs phir aane lagī jaane lagī