Tags-Dil

rahā jān-e-tamannā ban ke jab tak jān-e-mushkil thā
na thī mushkil to us ke ba.ad phir kuchh bhī na thā dil thā

yuuñ arz-o-talab se kam ai dil patthar dil paanī hote haiñ
tum laakh razā kī ḳhū Daalo kab ḳhū-e-sitamgar jaatī hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

yak lahza sīna-kūbī se fursat hameñ nahīñ
ya.anī ki dil ke jaane kā mātam bahut hai yaañ

dil mat lagā ruḳh-e-araq-ālūd yaar se
ā.īne ko uThā ki zamīñ nam bahut hai yaañ

ye vo dil-e-muztar hai ki juuñ barq-e-tapīda
gaahe ba-falak aa.e nazar gaah zamīñ par

ik baar us se baat to maiñ kar ke dekh luuñ
itnā bhī aasrā mujhe dil ne nahīñ diyā

dil-e-hazīñ ko tamannā hai muskurāne kī
ye rut ḳhushī kī hai yā riit hai zamāne kī

aap kī yaad kā bas ek diyā
hai bahut dil kī raushnī ke liye

bārhā ḳhuun kar liyā dil ko
us ke hoñToñ kī ik hañsī ke liye

hamāre paas thā kyā aur matā-e-dil ke sivā
tire savāl pe vo bhī ḳhushī ḳhushī de dī

bujhā charāġh hai dil kā vagarna kaise mujhe
nazar na aa.egā vo mere chaar sū ho kar

us ek ḳhvāhish-e-dil kā patā chalā na use
jo darmiyāñ meñ rahī sirf guftugū ho kar

Dubā dil kā ghar aañkh tak aan pahuñchā
ab aañsū kā naalā ubalne lagā hai

tumhārī miyāñ dekh ye phal phulārī
mirā tifl-e-dil to machalne lagā hai

harīm-e-dil ko jalāne lagā thā ek ḳhayāl
so gul use bhī ba-yak sard aah maiñ ne kiyā

bas ek dil hī to hai vāqif-e-rumūz-e-hayāt
so shahr-e-jāñ kā use sarbarāh maiñ ne kiyā

ḳhirad ne dil se kahā tū junūñ-sifat hī sahī
na pūchh us kī ki jis ko tabāh maiñ ne kiyā