Tags-Dil

nigah-e-lutf se dekhā hai to Thahro kuchh der
ab mire dil ke dhaḌakne kā tamāsha dekho

ḳhud chale aao abhī tār-e-nafas hai baaqī
ho nahīñ pā.egā phir dil kā mudāvā dekho

aa gayā hai vo yahāñ nūr-e-sahar kī mānind
khul gayā jabki mire dil kā darīcha dekho

dil ke ā.īne kī ham lete haiñ tab hai hai ḳhabar
is pe jab do do vajab ye zañg-e-ġham chaḌh jaa.e hai

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

husn ik dilrubā hukūmat hai
ishq ik qudratī ġhulāmī hai

ġham ne is darja kiyā dil meñ hujūm
jā nahīñ hai ḳhurmī ke vāste

jī na ghabrā.e tirā be-mashġhale
ishq kar le dil-lagī ke vāste

maiñ ne ḳhāk-e-nasheman ko bose diye aur ye kah ke bhī dil ko samjhā liyā
āshiyāna banānā mirā kaam thā koī bijlī girā.e to maiñ kyā karūñ

taġhāful-kesh maiñ ne hī banāyā
use hāl-e-dil-e-shaidā sunā kar

uThā lene se to dil ke rahā maiñ
tū ab zālim vafā kar yā jafā kar

dāman-e-dard ko gulzār banā rakkhā hai
aao ik din dil-e-pur-ḳhūñ kā hunar to dekho

kidhar hai aaj ilāhī vo shoḳh chhal-baliyā
ki jis ke ġham se mirā dil huā hai bāvaliyā

māl-e-muflis mujhe samjhā hai junūñ ne shāyad
vahshat-e-dil sar-e-bāzār liye phirtī hai

kisī sūrat se nahīñ jaañ ko farār ai 'ātish'
tapish-e-dil mujhe lāchār liye phirtī hai

ḳhushbū-e-gul se merā dil baiThne lagā hai
kyuuñ sub.h sub.h aa.eñ phūloñ ke lab pe aaheñ

'mānī' kī pāk-bāzī is daur meñ na chaltī
nigarāñ rahī haiñ dil kī har vaqt vo nigāheñ

terī āshufta-mizājī ai dil
kyā ḳhabar kaun nagar le jaa.e

dil ko is se sukūn miltā hai
dard kī mahfileñ sajāne de

yaad ayyāme ki dil rakhte the jaañ rakhte the ham
shikva-sanjī ke liye muñh meñ zabāñ rakhte the ham