Tags-Dil

bahut mohtāt ho kar bhī guzar jā.eñge ham lekin
utar jā.egī dil meñ vo nazar āhista āhista

'karan' ik roz mere dil ko dīvāna banā degā
kisī kī mast āñkhoñ kā asar āhista āhista

diiñ kyoñ ki na vo dāġh-e-alam aur ziyāda
qīmat meñ baḌhe dil ke diram aur ziyāda

jis qadar nafrat baḌhā.ī utnī hī qurbat baḌhī
ab jo mahfil meñ nahīñ hai vo tumhāre dil meñ hai

tere baġhair mahfil-e-dil bhī udaas hai
ai husn-e-nā-shanās tujhe ye ḳhabar kahāñ

jalvoñ kī taab lā na sakī dil kī aañkh bhī
phir dekhe kis tarah koī tāb-e-nazar kahāñ

lazzat-e-dard milī jurm-e-mohabbat meñ use
vo sazā paa.ī hai dal ne ki ḳhatā jhuum uThī

dil kā ā.īna khulā ho to sukūt-e-shab meñ
maiñ bayāñ kartā huuñ ḳhud ko kabhī tū boltā hai

kī dil ne dil-barān-e-jahāñ kī bahut talāsh
kui dil-rubā milā hai na dil-ḳhvāh kyā kare

lagā ke Thokar hamāre sar par balā tumhārī kare ta.assuf
ki ham to samjhe haiñ is ko dil se tumhāre sar kī qasam navāzish

uThāveñ nāzāñ ke ham na kyūñkar 'nazīr' dil se ki jin ke hoveñ
jafā talattuf itaab shafqat ġhazab tavajjoh hatam navāzish

kitnā ye dil ġhamoñ se Darā hai ki haa.e haa.e

kyā dil kā saath tār-e-rabāb-e-nashāt deñ
kis dard se ye naġhma-sarā hai ki haa.e haa.e

'bismil' kā rañj dil se bhulāyā na jā.egā
kis bekasī kī maut marā hai ki haa.e haa.e

ye dil ki qahat-e-anā se ġharīb Thahrā hai
mirī zabāñ ko zar-e-iltimās kyā degā

zaḳhm-e-dil-e-betāb hai hāthoñ meñ nivāla
is baat pe duniyā se mirī jañg nahīñ kyā

dil meñ aur ham meñ hai ye qaul-o-qarār
us ko har aan ham na chhoḌeñge

dil na chhoḌegā terā dāman aur
dil kā dāmān ham na chhoḌeñge

dariyā tire jamāl ke haiñ kitne is meñ gum
sochā to apnā dil bhī samundar lagā mujhe

aaj phir shauq-e-dil-e-zār kī qismat jaagī
aaj phir us ne mujhe pyaar se dekhā dekho