Tags-Dil

TuuTā na zor-e-ġham na zamāne kā sar jhukā
niklegī vasl-e-yār se dil kī bhaḌās kyā

mirī hasrateñ mire hausle sab hī jal ke ḳhaak meñ mil ga.e
ye kisī kī dī huī aag thī jo lagī to dil meñ lagī rahī

mirī be-kasī se jahān meñ na huā bhī kuchh to bahut huā
vahī bebasī to rahī magar tirī yaad dil meñ basī rahī

ye savāl kyuuñ ye ḳhayāl kyā hai vafā to is kā ma.aal kyā
yahī zikr vird-e-zabāñ rahā yahī fikr dil ko lagī rahī

jo sāmne hotā hai koī aur hai shāyad
jo dil meñ hai ik ḳhvāb-e-mulāqāt vo tum ho

dukh had se jo guzrā to khulā dil pe ki yuuñ bhī
dar-parda hai jo mahv-e-mudārāt vo tum ho

dil-jūī kā andāz bhī narmī bhī vahī hai
siine pe havā rakhtī hai jo haat vo tum ho

baaqī to añdhere hī muhīt-e-dil-o-jāñ haiñ
mahr-o-mah-o-anjum haiñ jo lamhāt vo tum ho

baad allāh ke vo hai mirī shah-rag ke qarīb
kab mire dil kī sadā jaatī hai maañ tak dekhūñ

dil kī dahlīz hī se lauT gayā vo 'raḳhshāñ'
chāhtī thī maiñ jise jism se jaañ tak dekhūñ

jamunā meñ kal nahā kar jab us ne baal bāñdhe
ham ne bhī apne dil meñ kyā kyā ḳhayāl bāñdhe

soz-e-dil apnā us ko kyā 'mus.hafī' sunāveñ
aago hī vo phire hai kānoñ se shaal bāñdhe

zaḳhmoñ ko rafū kar leñ dil shaad kareñ phir se
ḳhvāboñ kī koī duniyā ābād kareñ phir se

muddat huī jiine kā ehsās nahīñ hotā
dil un se taqāzā kar bedād kareñ phir se

tere ġham meñ kitnā nāzuk ho gayā hai dil ki ab
is bhare bāzār meñ

nuqra.ī āvāz meñ lafzoñ kā nuur
apne hamrāhī ke dil par naġhma-bār

tāqat-e-zabt-e-ġham dil se ruḳhsat hotī jaatī hai
armāñ naale ban ban kar lab par aate jaate haiñ

apne pāmālī-e-dil kā mujhe afsos nahīñ
dekh zālim na bigaḌ jaa.e kahīñ ghar terā

kuchh aisī chal rahī thī havā dil nahīñ lagā
mele meñ zindagī ke zarā dil nahīñ lagā

tanhā.iyoñ ne mujh ko navāzā tamām umr
mahfil ke shor meñ ba-ḳhudā dil nahīñ lagā