English
Favourite
Favourite
UrduShayarUrduShayar
Expand menu
Sign inAccount

Tags-Dil

na khul sakā to lahū ho ke bah gayā hai dil
kabhī khilā to mahak uThegā kalī kī tarah
Ghazal
 mere qarib se guzra ek ajnabi ki tarah
ye puḳhtagī thī ġhamoñ meñ na dhaḌkanoñ meñ sabāt
tumhāre dard kā dil meñ qayām hone tak
Ghazal
 mujhi mein jita hai suraj tamam hone tak
mire dil meñ koī ma.asūm bachcha
kisī se aaj tak rūThā huā hai
Sher
 mere dil mein koi masum bachcha
dil kī bāñhoñ meñ sajāte rahe aahoñ kī dhanak
zehn ko ham ne rah-e-ishq meñ gum-nām kiyā
Ghazal
 aaj phir dhup ki shiddat ne baDa kaam kiya
mire nāloñ se jalte haiñ mirī aahoñ se jalte haiñ
mire dil ke nihāñ-ḳhāne mire hāthoñ se jalte haiñ
Ghazal
 mere nalon se jalte hain meri aahon se jalte hain
mirā un se lipaT jaanā vo ik lahza tasavvur thā
harīf-e-dil usī dam se mirī bāñhoñ se jalte haiñ
Ghazal
 mere nalon se jalte hain meri aahon se jalte hain
naġhmoñ kā fusūñ chāñd kī zau phuul kī ḳhushbū
us husn-e-dil-ārā pe shabāb utre haiñ kitne
Ghazal
 aankhon ke darichon se sarab utre hain kitne
ashkoñ ko safī' hañs ke luTā dil ko lahū kar
tere liye ab kār-e-savāb utre haiñ kitne
Ghazal
 aankhon ke darichon se sarab utre hain kitne
jazba-e-dil kā vo aalam hai to inshā-allāh
dard ban kar tire pahlū meñ utar jā.ūñgā
Ghazal
 main tere shahr mein aaya to Thahar jaunga
chhoḌ ai raunaq-e-bāzār mirā dāman-e-dil
shaam āñgan meñ utar aa.ī hai ghar jā.ūñgā
Ghazal
 main tere shahr mein aaya to Thahar jaunga
daur-e-falak ke shikve gile rozgār ke
haiñ mashġhale yahī dil-e-nā-kardā-kār ke
Ghazal
 daur-e-falak ke shikwe gile rozgar ke
yuuñ dil ko chheḌ kar nigah-e-nāz jhuk ga.ī
chhup jaa.e koī jaise kisī ko pukār ke
Ghazal
 daur-e-falak ke shikwe gile rozgar ke
ik dil aur us pe hasrat-e-armāñ kā ye hujūm
kyā kyā karam haiñ mujh pe mire kard-gār ke
Ghazal
 daur-e-falak ke shikwe gile rozgar ke
kis dil se terā shikva-e-bedād kar sakeñ
maare hue haiñ ham nigah-e-sharmsār ke
Ghazal
 daur-e-falak ke shikwe gile rozgar ke
dil le ke muft kahte haiñ kuchh kaam kā nahīñ
ulTī shikāyateñ huiiñ ehsān to gayā
Sher
 dil le ke muft kahte hain kuchh kaam ka nahin
hai fahm us kā jo har insān ke dil kī zabāñ samjhe
suḳhan vo hai jise har shaḳhs apnā hī bayāñ samjhe
Sher
 hai fahm us ka jo har insan ke dil ki zaban samjhe
us ke ga.e par aise ga.e dil se ham-nashīñ
mālūm bhī huā na ki tāqat ko kyā huā
Ghazal
 is ahd mein ilahi mohabbat ko kya hua
ek zahr-āmez chup hai aur āñkhoñ meñ jalan
tere dil meñ ab kudūrat ke sivā hai aur kyā
Ghazal
 ek zahrili rifaqat ke siwa hai aur kya
dūsroñ kā dard 'aḳhtar' mere dil kā dard hai
mubtalā-e-ġham hai duniyā aur maiñ ġham-ḳhvār huuñ
Ghazal
 aafaton mein ghir gaya hun zist se be-zar hun
hamesha chheḌtā huuñ saaz apne kohna zaḳhmoñ kā
mire dil ke bayābāñ meñ koī gulzār ho paidā
Ghazal
 naya lahja naya manzar naya pindar ho paida
Top Urdushayar.com