Tags-Dil

rañg-e-gulzār jahāñ garche hazār aa.e nazar
chain par dil ko kahāñ taaki na yaar aa.e nazar

ham dil-afroḳhta vaañ juuñ sharar-e-sañg haiñ aah
na jahāñ paik-e-sabā kā bhī guzār aa.e nazar

is tarah kar gayā dil ko mire vīrāñ koī
na tamannā koī baaqī hai na armāñ koī

har kalī meñ hai tire husn-e-dil-ārā kī numūd
ab ke dāman hī bachegā na girebāñ koī

zulf barham hai dil āshufta sabā āvāra
ḳhvāb-e-hastī sā nahīñ ḳhvāb pareshāñ koī

ye āh-o-fuġhāñ kyuuñ hai dil-e-zār ke aage
kahte haiñ ki rote nahīñ bīmār ke aage

phir maut kā hai sāmnā allāh bachā.e
phir dil liye jaatā hai sitamgar ke aage

zid karte ho kyuuñ tiir na pahuñcheñge hadaf tak
armān hazāroñ haiñ dil-e-zār ke aage

sargarm-e-suḳhan huuñ dil-e-vārafta se is tarah
jaise koī bāteñ kare dīvār ke aage

ik nazar nisf nazar shoḳh ne Daalī dil par
aur is dasht ko pairāya-e-gulzār diyā

koī is baat ko taslīm kare yā na kare
sub.h kī sair ne mujh ko dil bīmār diyā

jab tujh bin lagtā hai taḌapne jaa.e hai niklā hāthoñ se
hai jo girah siine meñ us ko dil kahiye yā paara hai

vo bahut ajnabī sā pesh aayā
dil meñ koī kasak rahī hogī

us ke dil kī aag ThanDī paḌ ga.ī
mujh ko shohrat mil ga.ī ilzām se

mirā vajūd usī kī visāl-gāh meñ thā
usī kā vird mire dil kī ḳhānqāh meñ thā

Tapak ke dīda-e-nam se sadā.eñ detā hai
jo ek harf-e-tamannā dil-e-tabāh meñ thā

sivā tere jidhar se koī aa.e
hamāre dil meñ vo khiḌkī nahīñ hai

yaad jaane vāloñ kī raushnī ḳhayāloñ kī
dil kā saath detī hai ek manzil-e-ġham tak

ahl-e-dil soch rahe haiñ ye baḌe karb ke saath
ham hī zanjīr hue dil bhī hamāre TuuTe

aaj har zehn meñ raushan meñ tafakkur ke charāġh
dil vo sho.ala hai ki jis se ye sharāre TuuTe