Tags-Dil

tilism-e-dair-o-haram hai tujh par hanūz dillī hai duur nādāñ
vahāñ tirā ḳhaak dil lagegā vo hai sarāsar makān hū kā

matlūb ho tum dil hai talabgār tumhārā
ye aa.ina hai tishna-e-dīdār tumhārā

be-charāgī se terī mire shahr-e-dil
vādī-e-sher meñ kuchh ujālā sā thā

ye maqtal bhī hai aur kunj-e-amāñ bhī
ye dil ye be-nishāñ kamra hamārā

achchhī qismat achchhā mausam achchhe log
phir bhī dil ghabrā jaatā hai ba.az auqāt

is fart-e-ġham meñ ḳhuun ke aañsū Tapak paḌe
ab dil bhī rāzdār hamārā nahīñ rahā

har daaġh ubhar ke zaḳhm banā zaḳhm rashk-e-gul
dil mā.il-e-bahār hamārā nahīñ rahā

ye hai ma.āl-e-sohbat-e-zāhid janāb-e-dil
rindoñ meñ ab shumār hamārā nahīñ rahā

koī surḳhī ho to afsāna samajh meñ aa.e
haa.e vo dil kī ḳhalish jis kā koī naam nahīñ

phir ujālā hī ujālā nazar aatā hai 'sirāj'
dil ho bedār to duniyā meñ kabhī shaam nahīñ

aaj phir dil hai duā par maa.il
band phir bāb-e-asar lagtā hai

raaz ye sab ko batāne kī zarūrat kyā hai
dil samajhtā hai tire zikr meñ lazzat kyā hai

us kī hasrat hai jise dil se miTā bhī na sakūñ
DhūñDne us ko chalā huuñ jise pā bhī na sakūñ

ab kabhī muḌ ke dekhtī hī nahīñ
dil kī dahlīz pe khaḌī thī kabhī

rutoñ ke rañg badalte hue bhī banjar hai
vo ek ḳhaas ilāqa jo dil ke andar hai

sunā hāl-e-dil-e-'majrūh' shab ko
koī hasrat sī hasrat thī bayāñ meñ

basne lagī haiñ ḳhvāhisheñ dil ke dayār meñ
khilne lage haiñ phuul mire ḳhār-zār meñ

dil ke sunsān jazīroñ kī ḳhabar lā.egā
dard pahlū se judā ho ke kahāñ jā.egā

ye kah ke aag vo dil meñ lagā.e jaate haiñ
charāġh ḳhud nahīñ jalte jalā.e jaate haiñ

hameñ milī hai jagah jab se aap ke dil meñ
jahāñ haiñ aap vahāñ ham bhī paa.e jaate haiñ