Tags-Dil

'gauhar' dil-o-nigāh meñ ik fasl to rahe
lekin dil-o-nazar kā tasādum kabhī na ho

haram-o-dair ke jalvoñ se mujhe kyā matlab
shīsha-e-dil meñ utar aa.ī hai sūrat terī

āsmānoñ se laḌī dil se nikal kar ik aah
ek pal chain se baiThī na asar hone tak

matā-e-ishq yahī hāsil-e-hayāt yahī
ḳhulūs nazar kiyā aur dil nisār kiyā

guzrā banā-e-charḳh se naala pagāh kā
ḳhāna-ḳharāb ho jiyo is dil kī chaah kā

yak qatra ḳhuun ho ke palak se Tapak paḌā
qissa ye kuchh huā dil ġhufrāñ-panāh kā

har laḳht-e-dil meñ said ke paikān bhī ga.e
dekhā maiñ shoḳh ThāTh tirī said-e-gāh kā

ka.ī guzre san tirā kam thā sin liye ham ne sun tire ghuñghrū
gayā siina chhan gayā dil bhī chhin jūñhī bole chhun tire ghuñghrū

na jaane ruuTh ke baiThā hai dil kā chain kahāñ
mile to us ko hamārā koī salām kahe

nabī sadqe 'qubtā' alī mehr sete
bañdhā dil kahīñ niiñ unan bin valā munj

nazr kuchh kar ke dil ko le ki ye jins
muft ai muft-bar nahīñ aatī

muḳhtasar hāl-e-dard-e-dil ye hai
maut ai chāragar nahīñ aatī

be-tarah paḌtī hai nazar un kī
ḳhair dil kī nazar nahīñ aatī

jaan denī to ham ko aatī hai
dil ko taskīn agar nahīñ aatī

dil kī apne jigar pe luuñ lekin
ek kī ek par nahīñ aatī

apne ham-rañg chāhte the ham
ek dil-tañg chāhte the ham

dhaḌkan ko laġhzish kī chhūT nahīñ bilkul
dil ne itnī saḳht hidāyat jaarī kī

batā.eñ kyā tujh ko chashm-e-pur-nam huā hai kyā ḳhuuñ aarzū kā
banā gul-e-dāġh-e-yās-o-hasrat jo dil meñ qatra bachā lahū kā

dabe jo ghuT ghuT ke dil meñ armāñ vo barq ban kar falak pe taḌpe
jo valvala jī meñ rah gayā thā vo bulbula ab hai āb-e-jū kā

abas hai to chāra-gar-e-pareshāñ na tujh se kuchh ban paḌegā darmāñ
ki ho to tār-e-nafas se sāmāñ jarāhat-e-dil ke ho rafū kā