Tags-Dil

kaun qātil ke aage dam maare
kyā kahūñ dil-figār huuñ chup huuñ

na ḳhauf-e-āh butoñ ko na Dar hai nāloñ kā
baḌā kaleja hai in dil dukhāne vāloñ kā

sirf bātoñ se bahal jaane kā qaa.il to nahīñ
dil mirā saada hai ehsās se ġhāfil to nahīñ

vaar kartā hai nazar se yahī qātil to nahīñ
choT khā kar jo taḌaptā hai mirā dil to nahīñ

shor-o-ġhul baḌhtā hī jaatā hai mire kānoñ meñ
dil meñ jo hai vahī tūfāñ lab-e-sāhil to nahīñ

husn ko maiñ ne TuuT kar chāhā
husn ke dil meñ bhī qayām kiyā

fan meñ mujh jaisī jis ne kāvish kī
maiñ ne dil se use salām kiyā

dil ke sab daaġh khile haiñ gul-e-ḳhandāñ ho kar
rañg laayā hai ye ġhuncha chamanistāñ ho kar

dil meñ aa.e haiñ to ab dil se nikalte hī nahīñ
ghar pe qabza kiye baiThe haiñ vo mehmāñ ho kar

shaam se sub.h talak dil thā tirī sarhad meñ
aise hālāt meñ to tiir ko chal jaanā thā

is se dil kā sukūn miltā hai
zikr allāh kā mudām karo

dil ke kahne se abas us kī tamannā kī thī
hasrat-e-rañg-e-bahārāñ na tujhe hai na mujhe

mauj-e-sukūñ ke saath mile zanjīr-e-alam be-tābī-e-dil
ham ne kitnī daulat paa.ī ulfat kī sauġhāt ke naam

añdherī shab ke sharmīle mo.attar kaan meñ us ne kahā vo shaḳhs
duur uftāda lekin mere dil kī tarah raushan hai

koī suntā nahīñ shor tanhā.ī kā
ek dil hai dhaḌaktā huā aur maiñ

dil ke dariyā meñ thiraktā thā tirī yaad kā chāñd
shab ke hoñToñ pe tirā zikr munājāt sā thā

jaane tū kyā DhūñDh rahā hai bastī meñ vīrāne meñ
lailā to ai qais milegī dil ke daulat-ḳhāne meñ

sabī dīvāne haiñ us mah-laqā ke
magar vo dil-rubā jaadū nayan hai

kare rashk-e-gulistāñ dil ko 'fā.ez'
mirā sājan bahār-e-anjuman hai

mere kahne se to dil un par mirā aayā na thā
ā.īne ko maiñ ne ḳhud patthar se Takrāyā na thā